التصنيف: إستفسارات ومشاكل الشعر

السلام عليكم ورحمة الله وبركاته

شعري يطيح … داويت عند الطبيب … بصح مانفع ما والو …. ربي يخليكم … كشما عندكم… حل طبيعي اينفع… اجريولي بيه….

حبيبتي عندي نصيحة نحي شعرك كامل بجيلات ، متخافيش يعاود يطوال و ينمو قاوي كتر ملي كان. و مليحة زيت الخروع.

أنا أمي كانت مداومة على زيت الخروع مخلوطة بالحلبة المرحية
مرة في الأسبوع …. حتى تشوفي النتيجة بعينيك
الف تحية

لا علم لي .الاخوات فادوك

]أريد تعليم الحلاقة وقص الشعر هل من دروس[/

حلمي يخرجلولي ليماش بيوضة كيفاش ندير نحوس نديرهم في الدار كرهت الحفافات حرقولي قاع شعري ربي يطيلكم ما تتمناو

خديجة 2 انتي في قسم الشعر وان في قسم الترحيب نحوس عليك اما بي النسبة للسؤال اسمحيلي انا عالم السبقة منعرفوش

كي حوست عليا كنت نغست في الماعن..نسيق..الحوايج…الغبار ..الصوالح ماحبوش يخلاصو..انا دخلت بكري وخرجت

بارك الله فيك ام تسنيم بصح واش من ماركه و2 ظبقات ما يحرقوش الشعر وشحال الوقت بناتهم

ختي كاين ديكاباج تع لوريات تخلطيه معا الاكسيدون وبلون دوغ كي ديريهم غطيهم بشكارة فوقهم ديري بوني تع الصوف او شاشية انا شخصيا جربتها يخرجو تم تم كي تحسي بسخانة بزاف قلبي شعرك ادا كان مزال نحي شوي البوني مبعدة رديه موفقة

السلام عليكم و رحمة الله و بركاته (أنا حبيت نصبغ شعري في البيت بلون marron chocolat ماهي الماركة ورقم الصبغة اللي نديره باش تخرجلي) و بارك الله فيكم.

السلام عليكم و رحمة الله تعالى و بركاته
ليست لدي خبرة اعتذر
لكن ان شاء الله يفيدوك الأخوات

انا نستعمل ماركة كاستينغ خالية من الامونياك و مرة جربت اللون بني شوكولا و الله غير روعة و يخرج يبرق اضفتلها شوية من اللون بندقي من الغالية خرج اللون يهبل بلون الكراميل
انصحك عن تجربة ب كاستينغ او كيرانوف

انا شعري كان يطيح استعملت

pantene pro v

و نستعمل زيت الحلزون شعري ولا كثيف الحمد لله

انا كنت نستعملو بصح الاصفر مش هذا مع الابري اسمو هواي وخرج على شعري مع انو شعري دهني ويطيحبصح الاصفر عدت ما نلقاهش نلقى البرتقالي والعسلي وووو الاصفر ماكانش
تاخذي رايي ديري زيت الثوم في نهاية الاسبوع ولا في الليل والصباح اغسلي دوك يرجع شعرك ينبت من جديد انا جربتو
ولا عدت متزوجة وتاكلي في حبوب منع الحمل راهم هوما السبب لازم تبدليها والله اعلم اختي

اختي انا استعملت هادا

خرجلي عادي لكن في المرة الثانية جابولي هادا كي اغسلت بيه شعري تعقدلي و نشفلي
كي حطيتو على شعري خسر كرة وحدة و رجع يبان حرش

لهاذا حبيت نبدلو و سمعت بالساف لكن مانيش عارفة واش من واحد يفيد ؟؟؟

جربتي زيت الثوم اختي؟

وزعما نلقاها اصلية ؟؟؟؟؟

وشحال لازلي نداوم عليها ؟

ايه جربت زيت الثوم شريتها من عند الصيدلي ودرتها قريب شهر نديرها في الليل والغدوة نص نهار نغسل شعري والله غير نبتلي شعر صغير وعاد شعري ما شاء الله وتعرفي الواحد مع الدار والولاد يولي يتهاون عدت ننساه
جربي ورديلي الخبر انا جربتو علابيها قلتلك عليه كون ما جربتوش مانقولكش نخااااف هههه كش ما يديرلك
جربيه ما تندميش
وكاين وحد الزيت يتباع عند الصيدلي تاني اسمو بالاك الزيوت السبعة ودارتو قبل زواجها وداومتو بزاف يعني والله شعرها رجع عجب وكان من قبل كي يعود مشمخ تبان فرطاسة ودوكا تشوفي شعرها عاد يهبل
نعيطلها ونجيبلك الاسم بالضبط

شوفي اختي بانتان ودوف بعدي عليهم قد ما تقدري تلقاي وحدة ضد تساقط الشعر قرعتها زي ومرة اخرى تلقاي نوع زي اخر وهي نفسها تاع تساقط الشعر سيتو هذو الزوج دوف وبانتين والله المرة الي فاتت لميتهم قريب خمس قرع بانتين وحدة ماي زي اختها ودوف تاني خاطرش راجلي يغسل برك يجيب برك

شحال الثمن نتاعو اختي ؟

ان شاء الله نجربو

قوليلي انا شعري نغسلو مرة فالاسبوع لانو طويل و يغبني يعني اذا درت الزيت مرة رح تفيدني
؟

بانتين ماراحش نزيد ندور بيه نهائياااا

ان شاء الله نلقى فالساف النوع اللي يساعدني

والله ما علابالي البري بصح مش غالي راجلي هو الي يشريلي بصح مش غالي وماعليهش استعمليه مرة في الاسبوع مادام شعرك طويل بصح بشرط مش الفوق الفوق برك ديريه في فروة الراس في منبت الشعر هكذا باه يفيدك
اصبري نسقسيلك ع البري نتاعو ونرد لك علا بالك راجلي راه غايب دوك نردلك الخبر

السلام عليكم شعري راهو برتقالي قولولي باه نحي صبغة شعري اي رقم في لوريات ونخليه يرتاح ونبعد اي صبغة نديرها وندير ليماش

fasi be chatin fancee rah yrouh lloune khlas mba3ed diri les maiches 3adiiiiiii elmohim maykounech 9bel konti sebgha l ghou

شكرا حبيبتي

شكرا حبيبتي

العفو حنونة

شوفي حبيبتي انا درتها مي درت تحت الصبغة لي ماش و وراها كالك غوفلي درت Excellence extra light ash blonde

وووووووووووواااااااااااااو هاد الصورة لون الشعر شبااااااب واش هو لون الصبغة

أنا نظن من الصوره هادي يا راهي صبغه شعرها من قديم ونزل بزاف وأعطا هذا اللون يا منستبعدش بلاك شعرها natural وأكثر شيء نميل لnatural

يا أختي اذا كان natural كيفاه ديري هاذا سؤال صعيب بزاف بالنسبه ليا هههههههه والله ما نعرف يا أختي أنا ندير برك des meches sandrè ماعنديش فكره على شيء ثاني حتى الصبغات جامي صبغت ان شاء الله تلقاي الي تفيدك ولا خودي الصوره في موبايلك وريها للحفافه
ما تنسايش بعد ما تصبغي تورينا الصوره هههههههه

افدونا نحن في الانتظار

لا علم لي ختي ااااسفة
ان شاء الله يفيدوك الاخوات

والله ياأخي جربت هذو مي مافاد والو حتى أدوية الأطباء
أما فيما يخص الامراض ممكن لأتي نتقلق بزاف

يا اختي حتى انا كيفك شعري هادي مدة يتساقط بلا قياس خلعني.وعاد بغيت نجرب واحد السوليسيون جابتو لي اختي من فرنسا خرجو لها الطبيب وقالت لي ممتاز.بالصح كما قالت حبيبتي فيض المحبة كاين اسباب كثيرة لتساقط الشعر من بينها الاعصاب والتقلاق وانا معصبة غير وحدي بالاضافة عندي مشكل في الغدة الدرقية وكملت هههههه

أنا راني كيفك سعدونا يا أخوات الله إجازيكم

السلام عليكم

رانا كامل نعانوا من نفس المشكل و صح عندوا أسباب كيما التقلاق ميخطيناش

أنا رحت لطبيبة و ما درتلي والو الششامبو و الدواء و الزيوت راني معاها و ربي يجيب

قالولي على وصفة نتاع كمية من العسل+ زيت السمسم+زيت الخروع+زيت الزيتون +زيت جوز الهند خلطوهم و ديروهم ماسك للشعر و خلوه مدة ساعتين و اغسلوه و مرة في الأسبوع
و انشاء الله تكون نتيجة

اختي بدلي الشامبو وعليك علا زيوت الخروع زيت الزيتون مع صفار البيض

شكرا اخواتي هاد المرة نجرب خلطة الزيوت وانشاء الله تفيدني

جربي خلطات طبيعية

*خلطة طبيعية لعلاج تساقط وتقصف الشعر*

_ المكونات:
كوب من الحليب الدافئ.
نصف كوب من الماء.
ثلاث ملاعق من الخميرة.
ملعقتان من العسل.
_ الطريقة:
أولا: ذوبي الخميرة في الماء جيدا جدا حتى تحصلي على سائل خالي من التكتلات.
ثانيا: أضيفي الحليب الدافئ الى الخميرة وامزجيهم معا جيدا.
ثالثا: الأن أضيفي العسل ثم ضعي الخلطة على شعرك بعد غسله جيدا جدا واتركيها لمدة ساعة كاملة ثم دلكي فروة الرأس جيدا لتدخل الخلطة الى أعماق الشعر والبصيلات.
رابعا: اغسلي شعرك بالماء الدافئ ثم ضعي عليه القليل من زيت الزيتون للترطيب والتغذية.

كرري الخلطة مرة في الأسبوع لتتمتعي بشعر قوي ناعم ولامع.