السلام عليكم ورحمة الله وبركاته
حياكم الله حراير المنتدى ههههههههه اولا قبل ما انسى شكرا بزاااااااف حبيبتي سندريلا زماني بعثتلي برنامح تعديل الصور دون استعمال الفوتشوب وهذا اول تطبيقي هههههه في مشترياتي هههههه
المهم اليوم عندي موعد عند الطبيب رحنا ومن بعد كانت خاصتني صوالح (انا ما نخرجش للتسوق الا في كل شهر مرة واحيانا شهرين هههههههه نروح للطبيب ونولي ما ندورش ) وكل شهر نخصص يوم كامل نشري كل شيئ خاصني اواني او عطور او ملابس
الصراحة نكره الخرجات هههههه زوجي يحير فيا هو يحاولني يقولي نروحوا للبلاد وانا نقولوا لالالالالالالالالا هههههههههه المهم ولقيت عنا معرض تجاري كلش صولد طبعا الاواني فلست زوجي هههههه بصح حوايج ما يتعوضوش كنت راح نشري بيجامة مليحة وبابوش ووووووو بطلت شريت ماعن وزوج قطع قماش لقيتهم صولد وروحنا نطبطبوا هههههه يعني زوجي فلس هههههههه عادي قلت له النت ما نسلكوهاش هذا الشهر هههههه بصح كان ذلك كلامي في السوق هههههه من غير وعي قلته ومن اجل الاواني ههههههههه مستحيل نتخلى على النت ههههههه المهم يدير لها ربي مخرج وهذه واش شريت
شوفوا ما نعرفش نصور تخرجلي مضببة هههههههه المهم شوفوا دون تعليق ههههههههههه
هذا ميكسور صغير عجبني انا عندي غير كبير وتاع العجينة والخضر واللحم ووووو وهذا مليح للعصير وزيد يكسر الكوكاو واللوز فيه بزاف حوايج ملاح وسومته مليحة 190 دج
هذه فيوزة هكا تسموها صح ههههههه لقيتها ب 90دج وعجبتني عندي فراش في الفاغ بيستاش نتاع ربيع يواتيها لاني نستعملها في الليل بزاف
هذه تارموس عندي زوج كبار مثلها وكملتها
تصلح لينا نحن اثنين فقط على قدنا ونخبي الكبيرة
لقيتها ب 30دج
بوقال عجبني عندي قدر مع اصحنها مثله تماما
ب 15 دج
هذه للسرافت نتاع فخار عجبتني ب 10 دج
اربع اصحن ب 20دج
مقلة دون غطاء نحتاجها ندير ورقة البوراك فيها نتاعي تجرحت نداومها ونخبي هذه الا لورقة البوراك ب 45 دج
كاصرونة عجبتني ب 35 دج مع انه مراة قالت لي راهي تلصق بصح انا تبانلي خلاف مليحة
هذا ابريق للشاي المميز فيه المصفاة الي بداخله تحط فيها نعناع ب 20دج
عجبوني ب 10 دج الاثنين مع بعض
6 اكواب للمشروبات ب 30 دج عجبوني بزاف
كيكوط تاعي فسدتلي معاتش تغلق وقريب طرطقت عليا ههههههه صح اكبر حجم من هذه لكن ما عاتش تغلق مليح تخوف
لقيت هذه 5 لتر ب 150دج
هذا هدية من عند البائع للمكتب ب 120 مدها لزوجي بلاش هههههه كثر خيره ههههه لخاطر شرينا من عنده بزاف
قماش قطيفة الريح لقيته صولد ب 90 دج واختي شراته قبل ايبام ب 150دج
عجبني الاحمر مع الرمادي ما كانش الوان بزاف هذا احسنهم نمدها لاختي تخيطها لي عند سلفتها لخاطر عندي مناسبات ولادة زوجات اصحاب زوجي
وهذا قشور الحوت لقيته صولد ب 40 دج بصح الالووان غير ازرق واصفر واحمر
اخترت الازرق
واخيرا هذا واش ناكل كل ليلة مع انه الطبيب منع عني هذا الا اني ما نصبرش هههههه
*******
واش رايكم في ذوقي المهم انا عجبني السوم الهابط لو كان جات دراهم اكثر كنت نشري بزاف صوالح للكوزينة
.gif "S (7)")
قبل الاقدام على الشراء ..والسلام 
حبيباتي شفت هذي البالة اعزكم الله وعجبتني هل هي متوفرة في الاسواق
