السلام عليكم و رحمة الله تعالى و بركاته
لا اعلم الصراحة و نتمنى تصيب حل قريب ان شاء الله و ان شاء الله يفيدوها الأخوات اللي عندهم خبرة
ربي يتمملها زواجها بخير
اختي نور الهدى و ضوء القمر
شكرا ليكم حبيباتي عالردود
ربي يعطيكم وش تتمناو
وربي يهنيها صحبتي و نلقاو حل مؤقت حتى تتعالج
شوفي أختي سالي، كانت عندي زميلة فرغلها شعرها في الوسط يعني دار حفرة و بدات تكبر الله يسترنا، راحت للأخصائية عطاتلها علاج ب 5000 دج و قبل ما ديرو، نصحتها أخت بالطريقة التالية، تحكم لام جيلات معقم و دير كشغل جروح خفيفة في المنطقة اللي فرغت و مبعد تحك بفصوص ثوم، المهم داوت عليها، و صراحة تخلعت و كنت شفت شعرها و الحفرة، سبحان الله شعرها بدا يخلف صغير و رقيق و مبعد تغطات الحفرة و رجع كيما كان، صدقوني أخواتي شوفت عيني، بصح أختي سالي هادي عرسها بعد 15 المدة قصيرة بصح تقدر تبدا خير من تضيع الوقت، إن شاء الله تنج معاها الطريقة
احسن حل لعلاج الصلع الثوم وجربتها انا شخصيا والحمد لله
تنقي راس كبير تاع الثوم وتسخنيه في الزيت العادي او زيت قبايل اواي زيت عندك حتي يفتر وبعدها ديريه في راسك
لازم مرا في السمانة مثل دارت السبت دير السبت تاع الاسبوع الثاني وهكذا حتي تبان النتيجة في الشهر او اكثر علابالي الوقت ما يكفيكش مي حبيت نفيدك
ملاحظة كل مرا دير خلطة
جديدة ملازمش دير بزاف ومبعد تخبيه لي ديره ديريه في شعرك
شوفى اختاه علاج الصلع وخصوصا عند النساء راه منتشر بزاف والحل هو النضام الغذائى …الاخت اللى راه تعانى من الصلع لازم لها التعالج قبل كل شىء المعدة ومبعد تمتنع عن اكل الاصطناعى وتكثر من اكل الحاجة الخضراء مثل السلاطة الكرم الخرشف السلق الكرافص كل حاجة خضراء تاكل منها وخصوصا البصل والثوم كل اكلة تكرفج اعليها فص من الثوم وتاكل الحشائش تاع الربيع مثال القرنينة وقببوش يعنى شقائق النعمان ينبت فى الربيع على شكل اوراق خضراء وزهور حمراء تكثر منه فى الاكل شوفى ااختاه النباتات الخضراء هو حلها اعلبالى وقت العرس فات لكن معليش تستعمل كما قلت لها وتردلى لخبر خلال شهر وشوفى شعرها كفاه داير اعلمك بان عندى اختى نفس المشكل شعرها كامل طاح وخبرت زوجها وقالت له مشكل الصلع وتقبل المشكل الصلع ولباس اعليها لازم تكثر من اكل الخضروات بكثرة تولى كما لخروفة هههههههههههههه تكون اكلها نباتى وشكرا ولوانو جوابى جاء متاخر لكن كاين مثلها كثير والاستفادة للاخرين كذلك وشكرا
بارك الله فيك اختي ام امين
عندك الحق نظامنا الغدائي راه مخسر
وزيد هده صحبتي تقلق بزاااااااااااااااااااااااااااااااااااف
جامي شفت وحدة مقلقة كيما هي ربي كون في عونها
ظرك نخبرها يا ختي
ربي يخليك على النصيحة يا ختي
بصح ما فهمتش
كي ديري الثوم تخليه شوية فوق راسك؟؟؟؟ يعني تربطيه بفولار وتخلي الثوم يقعد ساعة مثلا ؟؟؟؟؟؟؟؟؟؟؟؟؟
ربي يهنيك اختي
اختي مون يعطيك واش تتمني على النصيحة
هادي صحبتي شافت اخصائية و قالتها l angoisse
وصح جامي شفت وحدة مقلقة كيما هي جاااااااااااااااااااااااااااااااااااااااامي
ربي يهديها و يكون معاها ويفرج عليها
وزيد هي شعرها ماشي فااااااااااااااااااااااااااااااااارغ خلاص
نقولو نص سنتيمتر هكاك…يعني صغير بزاف
وانا قلتلها على الحجامة هادي تاع ال lame gilette والثوم على خاطر اختي دارتها بكري
بارك الله فيك حبيبتي
ربي يجيبلها الخير
راهي راحت شافت الحلاقة شافتها الا تقدر تلصقلها شعر زايد تغطي بيه نهار عرسها
بصح قالتها باللي مانقدرش على خاطر ماعندهاش شعر من القدام يكفي باش تلصقلها فيه الشعر
راهي باش تشوف اخرى ديرلها برك فولار تاح محجبات بطريقة مليحة تاع عرايس
ربي يكون في عونها