شكشوكة الكورجات ساهلة من مطبخي 2024.

السلام عليكم ورحمة الله .حبيت نحطلكم مقادير طبخة ساهلة عندي وشحال ملي صورتها ومحطيتهاش مذاقها طيب خاصة الي حبو نكهة الفلفل المشوي واحنا في فصل الصيف يديرالوحدة شكشوكة ولي بلا باه يتكلو
المقادير:كورجات الكمية حسب افرد انا جاتني كمية زاكية شوي +فلفل انا كثرت الاني نحب بنة الحار المشوي فوق الطاجين+2حبات طماكم +سنينات توم+ملح +توابل+ كزبر مقطع+ فنجان زين باه نذبلو الكورجات+
الخطوة الاولى
حضري المكونات

االخطوة الثانية :تسكرفجي الكورجات وتشوي الفلفل فوق الطاجين وتنقيه ومبعدا ترحيه بالروبو او الرحاية ومبعد تذبلي الكورجات مليح في الزيت سخون من قبل وتضيفي الملح وتسكرفجي حبة الطماطم وتضيفي الفلفل المرحي مع الطماطم +الثوم وتخليها تغلي اذحبيتي ضيفي فنجان ماء انا مضفتش
الماء وخليها تطيب على نار هادية وفي الاخير نزينها بالكزبر وشهية طيبةنتمنى يعجبكم

حبيت نزيد نوريلكم المطلوع نتاعي

يعطيك الصحة رنيم وصفة جات في وقتها
الصيف والفلفل والكوجات واجدين
تاكلو بالصحة

الخضار لنحبهم يعطيك الصحة اختى
خفيفة و حلوة و قليلة السعرات الحرارية

يعطيك الصحة خفيفة و بنينة

خفيفة وظريفة واكيد بنينة هاد واش يصلح في الصيف يعطيك الصحة

طريقة جديدة في طياب الكورجات احنا نعملوها
شطيطحة بالدرسة والثوم وفوقها البيض
او تقليها دوائر وتحطي فوقها صوص طماطم
بصحتكم اختى

الف عافية على قلبكم ….شكرا رنيم فعلا ساهلة

حاجة خفيفة وتشهي

روووووعة حبيبتي شهيتيني و المطلوع. اروع تسلمي حنونتي