لكل من تحب الأكلا ت التقليدية +المقطعة+ هدية من رنيم 2024.

يا لبنات اليوم كيما وعدتكم بطبق تقليدي اخر جبتلكم اكلة تسمى المقطعة تعلمتها من امي حفظها الله .. كما تلاحظون في الصورة مقادير العجين ويمكن اني نقطعها بالماشينة ولكن فضلت نخدمهالكم بيديا دقيق + ملح +ماء وتلمي وخليها ترتاح
مقادير المرق طماطم مصبرة .راس متوسط من البصل يقطع +ثوم + راس الحانوت +فلفل عكري + نصف فنجان زيت حمسي فيه البصل +وفول او اي حبوب عندك حمص اوجلبانة واو عدس 2 او3طماطم حب رابيهم تكون شادة روحها خليها ترتاح وروحي وجدي المرق ومبعد ارجعي ليها ورشي على الطاولة الفرينة وابسطيها على قد ماتقدري بالحلال رايحة تساعدك الفرينة حتى تكون رقيقة لاحظي معيومبعد اطويها على الجهتين وحلي في النص بسكين لاحظي معاياومبعد قطعيها الى أربع قطع متساوية ومبعد اخدمي بالوحدة حطي قطعة العجين على لوحة التقطيع ومبعدحطي راحة يدك على بداية رولي العجين وقطعي بالموس متخافيش حطي برك على العجين يخرجلك كي السباكيتي لاحظيونجي للمرحلة الاخيرة وهي غربليها في اي غربال من الفرينة مليح شوفي في حين تكون المرقة هزت الغلية وتلوحلي بشوي وتخلطي بالمغرفوخليها على نار متوسطة وفي كل مرة حركي حتى تلاحظي انها بدات تلبى ولا تخثار نخليكم مع الصور ة النهائية واعطوني رايكم وفي الاخير قطعي الدبشة ولا الكزبر من فوق وذري عليها راس الحانوت راهي ساهلة وانا صورتلكم ادق التفاصيل عندي المهم اني اتعلمت ادخال الصور اعطوني رايكم علبالي الاغليبة ميعرفوهاش واحنا لازم نتعلمو كلش العصري والتقليدي في الاكل ولا الحلوى من عند بعضانا

اشكرك كثيرا على تعريفك لنا للطبق التقليدي

رنيم شهتيني بيها امي العزيزة كي كنا صغار كانت طيبهانا وتجي بنينة كي العسل فكرتيني فيها يعطيك الصحة وفي انتظار طبق تقليدي اخر يالفحلة

يعطيك الصحة كل مرة تخرج ينا بخارجة هذي نعرفها يما تخدمها أنا و كان بابا ربي يرحمو يموت عليها كوليها و أهديها لروح بابا ربي يخليك أختي رنيم ما شاء الله عليك ربي يخليك لأهلك و زوجك لي رآه يتمتع

الله يبارك اختي خرج ماشاء الله ربي يخلي الام الحنون فهي المدرسة اولى
وهدا الطبق المقطعة يشبه كثير لمقرون لعمي المشهور هنا في البليدة وضوايحها فقط يتعمل بالصوص بيضاء باللحم المفروم يخرج شوية خشين على الفرميسال ينشف شوية كي يكون عجين ويتحمص قبل مايطيب في لصوص

لألا يا نواله هذا ما ينشف ما وتحمص هذا و على حساب ما شفت يما تحلو في المشينة و كي تولي المرقة الحمرا تغلي تديرو و هو عجينة ثم يغلي و تطفيلو و تقطعيلو القصبر بصحتكم

يعطيك الصحا ختي يشهي

يعطيك الصحة

يعطيك الصحة يا اختي راهي تشهي حنا تان نعرفوها و نديروها و تجي بنينة هايلة