اولا الف تحية لكل المشاركات المبدعات في المسابقة
واتمنى التوفيق ومزيد من التالق المطبخي لهن جميعا
بما ان المطلوب هو خضر وفواكه الموسم فان:
مشاركتي الثالثة في المسابقة عبارة عن طبق رئيسي وهو
بطاطا بالزيتون الاسود مرفوق بـ:
اقراص اللحم المفروم بكريمة الفرماج 
اولا نبداو
بالبطاطا بالزيتون الاسود
الكل اكيد يتسائل عن امكانية اننا نطيبو الزيتون الاسود انا نقلك نعم ويجي يشهي
فاذا مكان عندك لا لحم لا جاج سلكي راسك
بطاطا بالزيتون الاسود
نبداو باسم الله
نحتاج:
– بطاطا الكمية اللي حبيتي قشريها واغسليها وقطعيها دوائر واقليها وخليها على جنب
– 250غ زرودية قشريها واغسليها وقطعيها رقيقة
– زيتون اغسليه مليح مليح وتخلصي من الاغان الزايدة
– الثوم رابيه مليح
الطريقة:
اولا نحطو ملعقة اكل زبدة وزوج مغارف زيت عادي ونحط الثوم يتقلى مليح بصح بلا منحرقو لانو يولي يمد مرورية في الطبق
من بعد نزيدلو الزرودية والملح والفلفل الاسود ونخلي الجميع يتقلاو على نار هادئة مدة على الاقل 10 دقايق وانا نعس فيها لتنشف متنحرق من بعد نزيد الزيتون ونخليها تتقلى مليح مرة اخرى
لما نشوفها انها تقلات مليح وذبالت الخضر
نمرق بكاس ونصف ماء دافي
نغلف الطنجرة تاعي ونخلي الزرودية تطيب مليح مع الزيتون لما ينشف المرق يولي فيف حوالي نصف كاس نرمي البطاطا ونرك مرة وحدة برك ونغطيها ونخليها تتجمر
وهاهي واجدة
خفيفة ضريفة متشد الوقت ما تعب بزاف
درت معاها مطلوع ههه
ثانيا
اقراص اللحم المفروم بكريمة الفرماج
المقادير:
لحم مفروم حسب عدد افراد العائلة تبليه بالملح والفلفل لكحل وثوم رابي وكمون وشكليه اقراص بمساعدة الماء
يعني تغطسي يدك في الماء وتاخذي شويا لحم بين يديك وتشكليه اقراص مش كرايات اقراص متكونش خشينة لاننا رايحين نلصقو كل زوج مع بعض
حطيهم فوق بلاستيك في صينية وديريهم في الثلاجة
اجبدي الاقراص واشويهم فو شواية ولا مقلاة تيفال وممكن حتى فوق طاجين مليح وحطيهم بجيه
نجيو ضرك لكريمة الفرماج
نخفق بيضة جيدا ونزيدلهم 2 مغارف كبار نشاء وكاس حليب وشويا ملح وخلطي كلش بارد في بارد ثم ضعي الحليط على النار وزيدي كاس اخر تاع حليب وحركي بالفوي حتى يخثار
انزعيها من النار وزيديلها الفرماج مثلثات قد ما تحبي انا نحب الفرماج زدتلها 4 حبات وانت زيدي حسب الذوق
من بعد اخفقيها بالباتور حتى تولي متجانسة هكدا:
الان كلشي جاهز نبداو عملية المونتاج:
اطلي الاقراص بكريمة الفرماج ولصقي كل زوج مع بعض حتى تكملي كل الكمية من بعد الكريمة المتبقية ديريها في لابوش ادوي وحطي كيمة صغيرة فوق كل حبة ومن فوقها حبة زيتون
وتقدميها مزينة باوراق السلطة
في امان الله
تبقى مشاركو مميزة بالتوفيييييييييييييييق
ونتمنى ليك التوفيق
فنانة يا ريم شهاني المطلووووووووووووع
طبق رءيسي يشهي واش نقول على اقراص اللحم بكريمة الجبن
كل شيء يشهي
موفقة اختي
رائع اعجبتني كريمة الفرماج