نبداو بالجلبانة : نجيبو كوكوط ( ان نحب نطيب ليه ليه ) نحطو البصل والثوم مسكرفجين وملح وفلفل ابيض وشوية سكنجبير ونص م ص توابل الدجاج و6 مغارف زيت والمعدنوس ,وطراف تاع الدجاج واللحم وقلي الكل وامرقي خليها حوالي 15د وارمي الجلبانة حتى الطيب .
نحي الدجاج كي يطيب وحطيه في كسكاس يقطر مليح .
ملاحظة : كي ترمي الجلبانة ارمي معها القرنون المنقي مدة 10 د ونحيه يقطر
من جهة اخرى نرحو نصف صدر دجاج نضيفولو معدنوس مقطع ملح وفلفل اسود وثوم مرحي وحبة بيض و2 م ك شابلوروالبقايا البطاطا .
جيبي البطاطا قشريها وقطعيها بالطول احفريها على شكل قوارب باش تعمريها بالحشو ووقليها في شوية زيت باش تحمار من تحت ,عمري القرنون بالحشو واللي يبقالك من الحشو كوريه واقليه مع البطاطا
-نحي الجلبانة من الكوكوط وفرغيها في طنجرة واسعة ستفي القرنون والبطاطا من الفوق المرقة باش مايخربش الحشو خلي الكل يطيب و تنشف شوية المرقة
-قلي الدجاج في الزيت حتى يحمار وزيني بيه الطبق
يسلموا اختي
ماشاء الله يشهي بصحتكم
شهيتيني
