.
.
.
.
.
.
.
حدث في مطبخي اليوم ….
انني دخلته لتحضير العشاء …والذي وقع الاختيار فيه على اكلة الكرم المحشي باللحم …..
لكن فجأة و من دون سابق انذار تقلبت الطبخة و خسرت و تكرفصت …….
فصدمت و صعقت و رقرقت ثم صرخت فاستسلمت …..
و نذرت بيني و بين نفسي ان لا عشاء اليوم زكارة في نفسي …..
لكن لما تذكرت المسيو قلت انا بحار عليّ هو علاش …..
فما كان مني الا ان شمرت على ذراعيّ …… و ضربت فيها مقلة بطاطا للسقف ….مع شوية ستيك اشي و سلاطة ….
ثم خممت في بنات المنتدى … وكيف حالهم مع هذه الحالات ….
فهل انت من النوع اللي ….
يقيس الكيكوطة كي تتكرفص الطبخة؟؟
و تتشنفي و ما تحكي مع حتى واحد؟؟
يتنارفا في المطبخ كي تتكرفص الطبخة ….؟؟
من النوع اللي يخبطها ببكية على الزهر من مقولة انا ماعنديش الزهر انا من بين كل الناس ؟؟
من النوع الذي لا ينهزم بسهولة …؟؟
من اتباع مقولة خسارة الحية ولا عوج يديا …..؟؟
هل حدث ان تكرفصت الطبخة و زكارة فيها ما دخلتيش للمطبخ على مدة ؟؟
ام تكرفصت و زكارة فيها عاودتيها 60 مرة حتى صدقت ؟؟
هل حدث و ان تكرفصت و انت عندك ضيوف ؟؟
ان كان نعم كيف تداركت الامر ؟؟
.
.
.
.
.
لذا ارجوا من كل واحدة ان تخبرنا بما حدث في مطبخها و اي نوع من النساء هي ؟؟
فرغي ما في جعبتك سيدتي …..
وكل وحدة تقول تجاربها ……
.
.
.
.
.
.
.
ما تخلونيش نبدى خلوني ساكتة على خاطر مازلت تحت الصدمة ….
وي نتشنف مي و نححححححححححححححححشم بزاف ان شاء الله ماتصراليش عند زوجي
انا من النوع ليس الفوضوي
ولا مرة صرالي هكذا
الله يلطف من العين
ونحب نجرب ونجرب ونجرب حتى نتقن مليح
بارك الله فيك
لهذا انا لااستسلم بسهولة
وإلا كنت في قوسطويا واش نقوللكنولي نتفنن ونزوق ونتول حتى تصدقلي وإلا ماصدقتش نعاود نسيي حتى نخرج بنتيجة ترضيني وترضي تاع الدار
على قول بابا ربي يخليه ليا
تعلمي في دار باباك وتوليها في دار زوجك ♥
ana nkhaliha kima hya manarmiha manathafha ngul lmul dar tfadal hada wach kayan lyoum wela ysalkuni ghir 2 budat hhh fel ha9ia jamias sratli felmakla mais tasrali fles gato w khusasan fel 3jajan khfaf msaman w kikat mais rani 3gabhum bdit nat3alam chwya mais ki takhsarli kach haja naz3af w nakhraj dak alwa9t w n3awadha mara khra
دخل راجلي لقاني في هدا الموقف شبع عليا ضحك ومن بعد قالي نخرجو باش تروح منك القلقا
وزيد وحد نهار درت العدس فلغدا وجدتو بلخف وقلت لروحي راكي شاطرة وجدتي الغدا بكري طفيت زعمة النار عوض لندور البطونة لليمين ونطفي دورتها لليسار اي نقست النار لاقصى درجة ورحت زعمة لصالة نتفرج وحد النص ساعة شميت ريحة الحريق وكانت عندي التاقة نتاع الصالة مفتوحة قلت منعرف شكون هدي الجارة لي حرقت غداها ههههههه حتى ولات الدار كامل تفوح باه فقت ههههههه
وزيد تاني وحد نهار كنت نطيب في الكسرا في الفور وراجلي مقلقني باش نخرجو قاعدة نلبس في حوايجي ونطيب
نحيت الخبزا لي كانت الطيب ودرت وحدا خرا ومتقلاق حسبت روحي خرجتها من لفور خرجت مع راجلي رحنا لجردا ومن بعد تقلقت قتلو نروحو لداركم وحنا رايحين فتنا على الدار شفت ف التاقة قلت راجلي وقيلها نسيت خبزا في الفور قالي لا شفتك كي خرجتيها قتلو متاكد قالي واه قتلو رجعني مدامنا قراب نقطع الشك انا طلعت لدار وراجلي قعد يستنا فيا تحت ولما فتحت الباب لقاني الدخان والله مافرزت الطريق رحت نجري وعينيا مغمضين ونكح لتيق حليتهم شاف راجلي الدخان طلع يجري
وكي خرج الدخان رحت للفور لقيت هديك الخبزة ولات جمر ههههههههه
هدو بعض الكوارث من كوارثي
انا ما صرتليش بصح نحكيلكم موقف صرا لجداتي
كانت ك نتلموا عندها هي تطبخ لينا بربوشة او عيش مالا واحد النهار قلنالها توحشنا العيش نتاعك او البركوكش طيباتي وحطتن فيه كل انواع الخضر و بالدجاج عرب المهم وفي الاخير يخي نديرولو الحليب هي باه تحط اللحظة جبدت البواط نتاع الامو وخلطاتو في الماء بلا ما تفيق للاختلاف وصباتوا على الصوص نتاع العيش ايا ك غلا طلعت الفقاعات ……هههههه
وبقينا بلا غدا
وحد النهار درت لعشى يطيب ونسيته دخلت للكوزينه حتى صبت الكيكوطة متبانش
