الي عندها الحل تقولي 2024.

اخواتي في الله اني مهمومةة جدا البارح اداوسنا انا يما والله على حاجة تافهة السبة كانت تتكلم مع اختي و شرقت وكنت انا نغسل في الماعن والله ادهشت وما جبتلهاش الماء ودارت منها قصة كبيرة حتي انها جرحتنيييييييييي كثير بالكلام ودعات عليا كثير وحسستني اني عالة عليها واني وش نحس وم ن دعاويها خلاني ربي بلا زواج وليت عجوزة في الدار و الله حسيت بالقهر و الظلم من اقرب الناس ليك واني ولا شيء

و الله يا اختي تبقى امك و رضاها هو رضى الرحمن يا اختي روحي اطلبي منها السماح و معليهش تسمعك لكلام على روحها بسيلها راسها اتقربي منها راهو مكانش واحد حن عليك فالدنيا هده قد امك الحنانة راهي فالقسوة يااختي اعيدلك روحي اطلبي منها السماح وساعفيها هي مدا بيها تشوفك مزوجة و كل وحدة وطريقة التعبير تاعها بصح تبقى تحبك

ربي يرزقك الزوج الصالح التقي لي يعرف قيمتك في القريب العاجل .يمكن هذي طريقة امك في التعبير ساعفيها ومتهزيش الغل في قلبك كي تكون لباس عليها احكي معاها وقوليلها لي في قلبك
ربي يحننها عليك وان شاء الله ربي يعوضك خير واذا مزال مزوجتيش ماشي نهاية العالم ومش اي وحدة مزوجة راهي سعيدة كوني واثقة كي يحين وقتو تتزوجي متخليش الزواج هو كل تفكيرك خلي طاعة الله هي كل همك نعرف وحدة عمرها 38 سنة ومتزوجتش ويأست تماما من الزواج قشها لي كانت مخبياتو للزواج صدقاتو على وحدة فقيرة وبعدها بأسبوعين جاها خطاب في نفس سنها ومسبقلوش الزواج وراهي متهنية ولباس عليها حكيتلك هذي القصة باه تديري الامل وتعرفي بلي لي كاتبو ربي يلحق وامك مادامك متظلميهاش كوني متأكدة بلي ربي معاك

انظري اختى كل ما قالته لك امك كن فقط تفريغ لضيقها الشديد

الا انه يجب عليك ان تخبريها بجرحك وبان دعوى الوالدين مستجاب

وتعلمينه الدعء الطيب رغم الغضب وكل هذا سيساعدك انت في المستقبل

وصدقين لم ولن يحبك احد بعد الله وامك انت فلدة كبدها التي تحترق وهي تامل ان تراك ككل الفتيات

فانتهزي الفرصة ودعيها تدعو لك دائما بالخير

اكثري من الاسسسسسسستغفار:1284 0837:

أمك ثم أمك ثم أمك
كالقري تو تبقى يماااك وماين كلام صح يقيس مي الام تهدر وتعيط وتقول كلام جارح بصح تأكي أختي في الاخير يما قلبها عليك وا تتمنالك خير لخير وتأكي انها في كل صلاة راهي تعيلك ربي يرزقك من ابوابخ الواسعة
وأنا ندعيلك من كل قلبي انو ربي يرزقك زوج صالح وطيب لي تبني معاه الار وربي يهنيك ويرزق كل مهمومة ان شاءلله
أكثي من العاء و الاستغفااار وخير ان شاءلله

حببتي رضى الوالدين من رضى الله
وإذا حبيتي ربي يرضى عليك كني البنت البارة
الله سبحانه وتعالى والرسول صلى الله عليه اوصانا بالوالدين إحسانا
وخاصة الأم فهي جنتك
شوفي حببتي مهما زعفت اعليك يماك ومهما عيطت اعليك تبقى تاج راسك وعمرك ولا تنامي وهي غضبانة عليك
إذا مزلت غضبانة روحي اطلبي منها السماح وبوسي راسها
واكسبي دعوات الخير منها لانها مستجابة
وربي يحفظهالك ويخليهالك
وأنت حببتي ربي يرزقك الزوج الصالح عاجل غير آجل
في الاخير
أمك ثم أمك ثم أمك لو جيبي مال دنيا وتعطهولها ميكفيش واش تعبت اعليك .

كيما قال الاخوات امك ثم امك روحي عندها وعانقها وبوسي راسها وقوليلها يايما معندي حتى واحد يحن عليا غير نتيا وشوفي ردت فعلها ايجي نهار ويجي مكتوبك وكي تخحرجي من دار باباك تحسي بقيمة الام

بريها حبيبتي لنيل رضا الله وعلى قد صبرك على ماتكرهين يعطيك الله ماتحبين ولاتخافي ادا لم تظلميها فدعاؤها
مش من القلب فقط هناك من الوالدين من جرى لسانه على الدعاء وقلبه ابيض يخاف على اولاده
وانت والفاتك قدامها وتتدلل عليك بطريقتها وبخصوص الزوج حبيبتي متتقلقيش سياتيك لامحال رزقك هو من يجري وراءك فقط اصبري واحتسبي وادعي الله كثيرا واكثري الاستغفار وقدمي بين يدي دعائك صدقة او اي عمل صالح وبر الوالدين من اثقل الاعمال الصالحة وسبب قوي لاجابة الدعاء فاغتنمي الفرصة