كيفاه ديرو مع بوحمرون 2024.

بنتي وين هذا كملت 9 شهر ودرتلها الفاكسا تاع 5اشهر عندها سمانة سخنت لي ورتاحت وزاد ولاتلها السخانة رجعتها للطبيبة قالتلي من الأسنان صح هيا بداو يخرجو ولكن السخانة طول حتى اكتشفت حب رقيق في كرشها وظهرها و وراء وذنيها قلت ممكن جداً بوحمرون لاادري كيفاه تسميه كل منطقة وايضاً شكيت نسبة قليلة حساسية من الفاكسا ؟؟؟؟؟
قولولي واش ديرولو هذا لو حمرون والاحتياطات لأنو سمعت مش مليح الماء والدوش ولازم ندفيها ولا لا لا ونقدر نبقى نمدلها خافظ للحرارة لأنو نخاف توصل لل40 درجة

أختي لا يوجد أفضل من رأي الطبيب فهو وحده القادر على التشخيص
طهورا إن شاء الله

شكراً لك بنت السهوب غداً ان شاء الله نديها للطبيب

أختي نصيحة دائما أكررها لكل أخت بالمنتدى
في الحالات المرضية ليس من الحكمة ابدا الإعتماد على النت وطلب النصح فما ينفع مع شخص من علاج قد لا ينفع غيره …..فما بالك لوكان المريض طفل صغير

اختي انصحك بزيارة طبيب الاطفال لان هاكدا الافضل واحد ما يمدش ولا نصيحة بما انك مش متاكدة اختي
لباس عليها ان شاء الله ربي يشفيهالك

ربي يشافيها ومن الاحسن تاخذيها عن الطبيب متقدريش تشخصي مرضها سيرتو في هذا السن ربي يحفظهالك من كل سوء

ربي يشفيها اختي ام ضياء وكيما قالولك الاخوات ماكانش كيما الطبيب هو ادرى بحالتها سيرتوا كي عادت الحرارة طالعة

اختى اهتمى اليوم بتنزيل حرارتها اذاكانت هناك حرارة ولا تعرضيها للبرودة ويجب اخذهاللطبيب قبل الاقدام على اعطائها اي وصفة تقليدية لانها صغيرة وليس كل الحالات متشابهة
ربيي يشفيهاويعافيها

أنا بنتي العام الماضي حكمها وديتها للطبيب وهذا ما أنصحك به وأخبرني بأنه معدي ولازم ندفيها ونعسها من الماء والهواء البارد وقالي يقعد من 3 إلى 4 أيام ويخرجلها كامل
ربي يشافيها

شكرًا لكم جميعا
ديتها للطبيب قالولي حساسية وليست الحصبة (بوحمرون)ربما هي من اثار الفاكسا لي دارتها قبل أسبوع او من دواء خافظ الحرارة وحتى اسنانها زادو عليها
دارولها ابرة في اليد وعطاوها دواء ان شاء الله خير