اهلا بيكم خياتي ….بغيت نحكي شوية على انشغالتي منها ابني قريب يكمل 3 اشهر يعني عطلة الامومة قريب تخلاص ولضرك مازال ما لقيت وين نخلي ابني وكيفاه رايحة نقدر نخلي ابني منتهناش ..
اللي اتطت في موقف كيما هدا مدابيها تحكيلنا احكي كل شئ على تجربتك وعلى تقسيم الوقت وعلى شعورك وشعور ابنك …
انا نحكيلك على ابنة اختي الي انا شديتهالها لما خلصت عطلة الامومة
اليوم الاول صعييييب
كانت تبكي تبكي و ما حبتش تسكت لماما و ماما قاتلي انتي صغيرة ما تععرفيلهاش و هبلتها بالبكا
حتى قاتلي نديها لامها ف الليل
لان اختي تخدم ف الليل لا قارد
و من بعد كي كثرت البكا اديتها و قعدتها ف البيسي ههه
كانت كلبووزة
و بدات تلعب حتى عيات بشوي بشوي اتكات و رقدت
و وليت انا نرقدها معايا كل ما تخدم مماها و نديرلها لحليب كي تنوض
و اختي حتى اخر لحظة و هي ماش عارفة وين تخليها
و الحمد لله درك راه ف عمرها عامين
شوفي يماك او عجوزتك
او اختك
الله يسرلك امرك
و شوفي كش طبيبة تزيدك مالادي تع شهر