تجاربنا في التسمين 2024.

السلام عليكم أخواتي
حبيت اليوم نفتح موضوع ومتأكدة أنو مشكل معظم فتيات اليوم
وهو طرق التسمين
أكيد كل وحدة نحيفة تحب تسمن
ولا واش قلتوا ؟؟؟؟؟؟؟
وكبداية ياريت لو كان كل وحدة تعطينا تجربتها في التسمين
سواءا كانت ناجحة أو فاشلة
حتى نتعلموا من بعضانا وتعم الفائدة على الجميع

و بما اني وحدة من المعذبات في الارض بسبب النحافة هههههههههه ماكانش دوا ما شربتوش كيما هيبتاجيل و سيبروهيبتادين و بيرياكتين و موديستامين ينفعو في الفترة اللي نشربهم فيها يفتحو الشهية و نولي ناكل مليح و مبعد كي يخلاصو يروح معاهم كلش

اما الخلطات كليت المكسرات و مربى الحلبة و ما نفعني والووووووووو
أياو حبيباتي حابتكم تتفاعلوا معايا في هاذ الموضوع
وربي يعطيكم ما تتمناو .
.
.
.
راني نستنىىىىىىىىىىىىىىىىىىىىىىىىىىىىىىىىىىىىىىىىىى

الحمد لله مانيش غير وحدي الي نعاني من هدي المشكله
انا سمعت بلي كاين كاشي اسموgrossivite
قالو يتنكل ثلاث اشهر تتحصلي على الوزن الي راكي حابتو
بصح مزال مجربتوش لاني سالت الصيدليه وقليل
ادا كانت معانا وحده جرباتو تقولينا
ولا صيدلاتنيه تعطينا من معلوماتها
انا حابه نزيد بعض الكيلويات باش نتناسب مع طول نتاعي

السلام عليكم ورحمة الله وبركاته
بالنسبة لقرس فيت انا جربتو لبناتي على شكل سيرو يفتح الشهية ويوكل

السلام عليكم ،في الحقيقة أنا غير معنية بهذا الموضوع لكن أستطيع إفادتكن بوصفة طبيعية سمعتها من طرف مختصة في علم التغذية(ماما باشا) :خذي 750 غ من الدقيق المتوسط(مثل المستعمل فالطمينة)اقليه في لتر من زيت الزيتون حتى تشوفيه يحمار نحيه من فوق النار وخليه يبرد بعدها ضيفيلو كل أنواع المكسرات المتوفرة لديك تكون مطحونة خشنة +جلجلان محمر+حلبة مطحونة +خلطي جيدا وضيفي عسل النحل وإذا توفرت عند زبدة البقر ضيفي ملعقة امزجي جيدا وضعيها في علبة معقمة وفي كل صباح خذي ملعقة
وهاذي وصفة طبيعية وكيما يقولو إذا مانفعتش ما ضرش وبالتوفيق لكل الأخوات

تسلمو حبيباتي
لكن وين راهم بقية النحيفات تاع المنتدى
علابالي باللي كاين بزااااااف
قولو تجاربكم ما تحشموش
انا نقولكم
على تجربتي في التسمين
رحت عند طبيبة من اجل حل مشكل النحافة
قالتلي ندير تحاليل
درتهم وظهرت النتيجة انو كل شيئ سليم
لذلك اعطاتني عقدة هي فعلا ذات مفعول
مكونة من:
4ملاعق صغيرة جنسينغ
2ملاعق صغيرة حلبة
2ملاعق صغيرة حبة البركة(سانوج)
نجمعوهم بملعقة كبير عسل نحل
قالتلي كوليها ثلاث مرات في اليوم ولمدة ثلاث أشهر
وارجعي ليا
صراحة أنا درتها لمدة أسبوعين تقريبا وحسيت بالفرق صراحة غير انو ماقدرتش نكمل مع العلاج
بسبب غلاء الجنسينغ(علبة تاع 10غ تتباع بمبلغ400دج)
أنا قلت حتى نلقى خدمة ونطبقها لمدة 3 أشهر وعلى راحتي.
راني قلتلكم تجربتي المؤقتة اللي ماقدرتش نكمل معاها
وانتوما جربوا إذا قدرتو
بالتوفيق حبيباتي

حبيبتي نور سار
قالولي عندكم دواء ينفع للسمنة
هل هذا هو grossivite

و وشحال يتباع ؟؟؟؟؟؟؟

الحمد لله انا مرانيش ضعيفة حبيت نفيدكم كين خلطة يسموها المسمنة تتباع عند الحشاوشيكاين بنات شربوها ونفعتهوم وراهي وصفةطبيعية 100*100 لان الادوية لي تسمن او لي فيها )ليكورتيكوييد(
عندها اضرار جانبية خطيرة خاصة على المبيضين فهي تعمل تكيس المبيض ولخبطة في العادة الشهريةووووو ارجوكم اخواتي في الله ابتعدوا عن هذه الادوية وجربوا الوصفات الطبيعية ان شاء الله الاخوات يزيدوا يفيدوكم

تسلمي حبيبتي arij_loay
على الوصفة
أنا عندي بزاف وين سمعت مرة السيدة باشا قالت وصفة للتسمين
فيها
لنجبار(رطل)+علبة حلوة الترك ،الكل مطحون ، يؤخذ منه ملعقة على الريق مع كوب حليب
والنتيجة حسب قولها تبان في شهر
لكني صراحة ماجربتهاش
قوليلي وين راهي تجوز ماما باشا وعلى قداهع الساعة
توحشتها بزاف

تجربتي بسيطة ….الدواء هبتاجيل وتوابعه فعلا مفيدة للتسمين لكن اضرارها اكبر .المهم لازم متقلقوش وزد الرياضة ايضا تلعب دور .المهم كاين حبوب تتباع للاسف محبتش المرا تمدلي اسمه لكن نتائجها مذهلة ….وشفت ناس بزاف فادتهم

واش من رياضة يا أختي ahlam warda قولينا
رانا نعانيو
قريب نموتوووووووو