الصلاة و السلام على أشرف المرسلين سيدنا محمد و على آله و صحبه أجمعين
لجأت لكم أخواتي لأني بالفعل راني في حيرة كبيرة و خايفة
أنا هادا أول حمل ليا تسمى مازال مانعرفش وقتاش يتحرك الجنين ، درك عندي 5 أشهر حمل و عندي شي 10 ايام وليت حاشاكم نتقيا بالبزاف لدرجة نقلب الدم المهم رحت للطبيبة و طمنتني قاتلي ليستوما نجرحت من كثرت القيء
بعدها حسيت بالجنين يتحرك في كرشي مدة ثلاثة و لا أربعة أيام و درك راني في 05 أيام مش يتحرك راني خايفة و ماعنديش بزاف ملي رحت للطبيبة بصح ماعندي والو لا وجع و لا والو لي عندها تجربة تفيدني انا قريت في كتاب اذا بدا لشير يتحرك في كرش امو لازم يعود كل يوم يتحرك و لا ماتحركش مدة 24 ساعة تسمى كاينة حاجة و الله راني خايفة لي عندها تجربة أي لي حملت من قبل تفيدني ربي يعطيكم ماتتمناو و ادعيولي ربي يكملي الحمل و يرزقني ربي الولد صالح سليم و معافى يارب ليا و لكل وحدة باغية تحمل ربي مايحرم حتى انثى من هادي الفرحة
ربي يباركلك حملك ان شاء الله
ما تقلقيش روحك ما يكون غير الخير
راكي حامل لأول مرة على هك راح تتحيري و تعسي و تولي حتى تشكي و تتوهمي
كامل فتنا على هذه المخاوف
و بصراحة الى بقينا نتبعو فيها تقولي ندير ايكو غرافي في الدار
ان شاء الله ما يكون غير الخير و اذا شفتي الأمر طول ما تترديش في زيارة الطبيبة
و لي كاتبها ربي يشوفها العبد، ربي يثبتلك حملك و يباركلك جنينك يا رب
اختى امل كما ذكرت الاخت سابقا مررنا كلنا بهذه المرحلة ولاكن حاولى ان تعيشى فترة حملك فى هدوء و سكينة لأن جنينك يعيش معك كل احاسيسك و ستأثر فيه بشكل او بآخر
الجنين فى بداية الشهر الخامس حركته عامة تكون بطيئة مش شرط انو الجنين يتحرك باستمرار حتى هو تجيه فترة سكون فتركى الوساوس و الخوف جانبا و عيشى حملك وربي يتمملك بالخير
اغلب النساء الحوامل لما يكونو فى راحة جالسة او مستلقية تبقى تتحسس لحركات الجنين مع انو لما تكون تتحرك و تعمل فى شغل البيت اكيد يتحرك الجنين و لكن منحسوش بحركاتو لانو تركيزنا يكون منصب فى امور اخرى اظن هذا ما يحدث و العلم عند الله
مررت بنفس حالتك .. من كثرت التقيا جرحت ليستوما انتاعي
لكن الحمد لله كلشي يعدي بخير بإذن الله
وحركة الجنين عندك عادية مُش شرط كل يوم يتحرك
تحيتي لك
هذي ما تكون غي بنت و سمينة و حركتها ثقيلة
لا تقلقي غاليتي و ربي يتمملك على الف خير
اولا مبارك حملك وربي يتمملك بكل خير
حاولي تبتعدي عن القيا لانه عامل نفسي بالدرجة الاولى حتى لا تتعبي نفسك وتكثري من الادوية
اما حركة جنينك في بطنك مش لازم كل يوم تحسيها يمر بفترة سبات عادي ويمكنه التحرك وانت لا تشعرين وكل هذا له عوامل خاصة انه الحمل الاول لك عامل ثاني ايضا سمك طبقة الدهون في بطنك تؤثر على عملية احساسك بحركته.
المهم بما انه ماعندكش الام او دم هذا يعني انك بخير والحمد لله
فلا تكثري الوسواس.
المهم انا في بنتي هذه مش مثل اخوها الاول كانت قليلة الحركة حتى انني لما نمسها ما تتحركش و باردة خفت مثلك و درت بحث في النات و الحمد لله زادت لاباس عليها الاولاد في البطن الوحدة و يختلفو كاين النشيط و كاين قليل النشاط و يطولو في الحركة نظن تحب ترقد بزاف كيما بنتي ههه المهم الطبيبة طمنتك عليها و ما عندك حتى مشكل اماالقيئ هذا الوحم تاعك جاك هكذا صعيب مثلي انا في أولادي الاثنين طول حتى نزيد ادعي ربي يتبدل في الزيادات الجايين ربي يتمملك على خير