حبوب منع الحمل 2024.

السلام عليكم
يا ريت من طبيبة المنتدى ترد عليا او الاخوات لي جربو اي نوع حبوب منع الحمل لاني صراحة تعبت من هذا الموضوع ورحت لطبيبة واعطتني milian لكن للاسف مانفعتنيش ولات الدورة تجيني فقط ليوم واحد وتقريبا مكانش والاغرب من هذا ان صديقتي راحت عند نفس الطبيبة لنفس السبب فحذرتها من نوع هذه الحبوب لي هي milane استغربت انا اعطاتهالي وهي حذرتها منها لذا قررت نحط الموضوع وامانة كل وحدة تدخل تحكي تجربتها ولو في طبيبة في المنتدى ترد علينا لوجه الله انا في عمري 29 سنة متزوجة منذ 9 سنوات والحبوب ماسببتليش اضرار غير انها تقلل الدورة الشهرية احيانا فقط نقاط وتروح وسمحولي اذا بالغت في الوصف

انا شربت ميرسلون و يعطي نفس النتيجة و درك راني حبستوا باش ندير لحساب علي ما سمعت علي ميليان انو يزيد في الوزن و يدير ليفاغيس انا شربة شهر برك دارلي وجع مؤلم في الراس قاتلي الطبيبة حبسيه و ادا كانت الدورة منتظمة عندك نصيحة مني ديري لحساب و ما يخوفوكش منوا كينه شفت تجارب الناس و راسلتهم في المنتدي و عطاوني تجارب حقيقية يعطيهم الصحة و راني انشاء الله رايحا نعمل بيها بعد ما نظم الدورة ارجوا من الاخوات كدلك الافادة

انا ميليان لا اعرفها
كنت نشرب ديان 35 تصفي الوجه لكن قوية بدلتهالي طبيبتي مرسيلون معتدلة ولم احس باي شئ منها وشربتها مدة 4سنين وحبستها باش زدت بيبي ورضعت مدة عامين ومن بعد زعما درت الحساب لكن زدت رفدت لا ادري ربما دورتي كانت غير منتظمة وبعد ولادتى كتبتلي الطبيبية سيرازيت لاني نرضع
سيرازيت تحوي هرمون واحد بروجسترون يعني هي الضعيفة كامل وما عندهاش اثار جانبية كثير لكنها عطلت الاباضة يعني الدورة راحتلي تقريب عام
لما قريت عليها في غوغل وجدت انه شئ عادي كي تحبسيها الدورة ترجع عادي
المهم لم تؤثر لا في مزاجي ولا وزنى ومازلت اخذها لاني ارضع وربما بعد الفطام لن افكر في تغييرها لو قالت لي الطبيبة انها آمنة كوسيلة منع الحمل
ربما سمعتم عن التحذيرات في فرنسا حول الحبوب المركبة يعني التي تحوي هرمونين مثل ديان وغيرها
علي العموم كل امرأة وجسمها والسن يلعب دور (ديان35) شربتها قبل الثلاثين بعد الخامسة والثلاثين شربت المعتدلة والآن راني مع الضعيفة للمرضع
ومن المهم تقيسي الضغط والسكر والكولسترول واذا كل شئ تمام تبعي واش اعطاتك الطبيبية والله يرزقنا العفو والعافية آمين

مشكووووووووووووورات اخواتي على الردود لكن اين البقية؟؟؟

مساء الخير انا عندي 3سنوات ونصف وانا نستعمل الحساب الحمد لله صلح لي ودرك راني حامل في شهر الاول

انا نستعمل ميكروجينون 30 عندي طفل واحد و احيانا تسببلي اضطراب في الدورة نحبس الحبوب تجيني الدورة بعد 3 او 4 او 5 او حتى 6 ايام كيما هاذي المرة استعملتها تقريبا 3 سنوات الحقيقة ماشي الطبيبة وصفتهالي و لكن شفت اختي كلاتها لسنين و مادارتلها ولو مع انها في الاربعينات…اختي مادام الطبيبة ماشي ثقة بدلي لطبيبة اخرى و شوفي

سلاااااااام اختي يا الحبيبة ميليان و ديان35 راهم ممنووووووووعين و زيد عندهم اعرااااااض بزاف من المستحسن تغييري الطبيبة
و زيد ديان 35 و ميليان ينزلو من هرمون الاستروجين على ديك راهم ممنوعين ل دلك الدورة تاعك ولات غير منظمة حتى عندهم اعراض بزاف
و كي ينخفض هرمون الاستروجين يخلي اوفولاسيون *التبويض * التاعم مايحدثش ب طريقة صحيحة .
مختصرالمفيد ياترو على الهرمونين الاستروجين و البروجسيترون على ديك الدورة تاعك تصبح غيرمنتظمة

انا صراحة ننصحك ب جاسمين في سنك هكداو معلاباليش واش عندك امراض وعلى حساب الوزن تاعك

شكون جربت اديبال مليح ولا لا