ساعدوني في هيدورة الكبش 2024.

السلام ليكن اخواتي عيدكن مبارك و كل عام و انتن بخير ربي يتقبل منا و منكن حبيت نسال كيفاش ندير باش نحي الصوف للهيدورة بطريقة سهلة موالفة نحطها فالشكارة بصح نكره من الريحة نتاعها و نعف نمسها خصوصا كي يديرو فيها الدود حاشاكم موالفة نرميها العام هدا قلت نسقسي حباباتي بالاك عندهم طريقة سهلة قريت مرة فالنات على طريقة الجير بصح نسيتها تعيشو دبرو علي كبشي نتاع العام هدا معمر بالصوف و غاضتني نرميها

اشري الجير (اللي يدهنوا بيه الحيط) …
خلطيه مع الماء (استعملي قفازات او ملعقة خشبية ) …
اغسلي الهيدورة مليح من الدم …
ثم ضعي الجير من جانب الجلد (دائما باستعمال القفازات لا تستعملي يديك) …
اطوي جهة الجلد على جهة الجلد ضعيه في الكيس ساعتين و شوفي …
المفروض هذه اسهل طريقة و شوفي ربما يزيدوا البنات يفيدوك …
.
.
.

اختي كاين طريقة لازم واحد يشد معاك الجلد مين ينحيوه هزيه شوية فوق الطابونة جهة الجلد مع سخانة يعرق دخليه في شكارة 10دقايق ونسليه ماتخليهش يبات للغدوة
عيدك مبارك

انا ندير الهيدورة كما قالت الاخت فوق الطابونة تسخن بصح يحكمو 3معاك وانت نسلي الصوف بلخف دقيقة وانت نسلتيها هما يحكمو لك من كل الجهات وانت نسلي مكلاه تخبيها في الشكارة وتبات في هديك الدقيقة تنسل وغسليها بلماء مليح ومبعد شمخيها في الصابون غبرة ولعشية اخبطها مليح ومبعد شليها عدة مرات وخليها تقطر وغدوة نشفيها وطرقيها وخمليها في المخدة ووسديها وبصحتك

شكرا ك اختي هاجر ربي يعطيك ما تتمناي اني شريت الجير غدوة ان شاء الله نديرو و نخبرك على النتيجة

شكرا لك اختي دكريات ربي يهنيك

يعطيك الصحة حبيبتي ام ضياء هدي الطريقة مانقدرش نديرها لاني وحدي في داري مايكون معاي حتى واحد غير زوجي و اولادي صغار شكرا لك

شكرا لك اختي ام محمد امين هدي نوريها للي عندهم اللي يشدلهم ربي يجازيك