من تفيدني بالقضاء على البعوض الناموس 2024.

السلام عليكم ورحمة الله وبركاته
يمكن تتفاجاو للموضوع لكن والله يا بنات نعاني من البعوض لدرجة لالا تتخيلوها ابدا ناموس رهيب يعني بالرغم من اضافة المبيد والادوية التانية لكن لا حول ولا قوة الا بالله
مالقيت واش نعمله شتاء وصيف
لكن طبعا الصيف هجوووووووووووووم لا رحمة منه

الي عندها طريقة لا تبخل الله يحفظكم

rabi ykoun fi 3ounkoum okhti hanaa
mechi haba nhabatlik le morale
mais la vérité fi annaba keyen moustique
wejhou shih maymoutch khlass
ouuuuf wej 3anina menou

هههههههههههههههههههههههههههههههههههههه مش وجه صحيح برك وحدوا مكان حتى في بلاصة اخرى والله غير قتلنا كرهلنا حياتنا الله يحفظ منه
شكرا مون على ردك حبيبتي

hanan
sma3t wahda jarti maghribia galat beli rihat albasal tharab anamous
takachriha w thotiha bi lbit ki chm rihatha yahrab
balaki min rihtou hhhhhh
jarbih w choufi
w tani hacahaki ki tsayki bilkhal blanc rah yharbou w mana3raf hakda sma3t

شوفي هنا احنا انديروا الخل في الوجه و اليدين لانه هجوم صيفا و شتاء
ثاني نحرقوا لباستي بصح خرجي الاطفال و انت من الغرفه لي تكوني فيها لانه يسعل احنا نحرقوا من 2 إلى 3
و كي تستعملي لباستي في لباري ما ترميهمش خليهم باش تحرقيهم ايضا
ربي معاكم و معانا حنا ثاني في العاصمة كارثة

اهلا حبيبتي البصل والله تقتلني ريحته مي نجربها ريحته ولا قرصة الناموس بارك الله فيك حنونة
ايه والله ندير هاكدى مي كي نكونو راقدين مايرحمش ولادي مانقولكي كش يصبحوا مساكن حمر من القرصات
اظن عنابة اكتر ههههههههههههههه هاكدا يقولو الي يجوني

ههههههههههههههههههههههههه اتا تاني راه ندبلي الناموس و خاصة بنتي الصغيرة و الله غير هبلتا …………..هههههههههههه و كي تلقاي الحل قوليلي

السلام عليكم

ههههههه والله غير فكرتيني بيامات فوتهم فالعاصمة
صح ناموس التل يقريسي الله يحفظ ويستر
يعني حتى و تتغطاي يجي يرفدلك الغطا ويقرص هههه
المهم احرقو لي شومبريار ولا البلاستيك ولا اي شيء من النايلون وحنا عندنا يحرقو عجلات السيارات المتلفة فالشوارع واكيد هاد الشيء يهرب الناموس ..
كنت جايا نصيف عندك وبطلت
ديت فكرة سيئة على ناموس عنابة
ونشكر مون على التنبيه ههههه
الله يعينك هنوئة والله ماتستاهلي ربي معاك

الاخت هناء نور الناموس ناس بكرى لا باستى ولا والو كل شىء من الطبيعة جبى نبتة تاع لحبق فى فازة بلاستكية وحطها فى كل مكان من البيت واتركى النوافذ مفتوحة متلقايش ولا نموسة وحكمى شمعة وديرها فى حمام مائى وشعلها واتركها شاعلة طبعا ديريها فى مكان بعيد على لحوايج وخليها فى الصباح تلقاى النموس كامل اعوم فى الماء اعلى خاطر النموس كشوف الضوء ايروح ليه ويدور حول الضوء ودوخ وطيح فى الماء وانشاء الله انكون فهمتكم بما فيه الكفاية وشكرا

جربها وغدوة ردلى لخبر يااخت هناء نور اجرى اشرى الشمع ولادك كلاهم النموس