السلام عليكن
انا من ممتهني التطريز بالماكينة من قرابة 20 سنة اي من لي كنت في دار بابا وكنت نخدم بالماكينة العادية الكحلة نطرز بيها الجبب وكل شيء وكملت خدمتي حتى من بعد ماتزوجت وانا نخدم غير بالماكينة الكحلة العادية حتى فرج عليا ربي وشريت اي زوجي ربي يخليه لي اشرالي ماكينة كبيرة تعمل الباسي بلا واحنا عندنا نقولولها ماشينة سوداني اي الافريقية هههههه
المهم اول ما تمرنت عليها مليح كانت هذه هي النتائج
لعلمكن نحن وبهذه المنطقة مازالت النسوة تستعمل الحايك لكن عندنا من نوع خاص وليس المرمى اوالشيبه له
لاننا بنطقة حارة ونتجنب لباس الغامق هذا طبعا زمان كانو جداتي وحتى عماتي وخلاتي يلبسن الحايك الابيض او نقولولو التيطرو او لابوبلين الابيض حتى نتجنب اشعة الشمس الحارة
وهذه بعض النماذج لعملي او شغلي او تطريزي اتمنى ان تعجبكن وكل من لها خبرة تزيد تفيدني وتنصحني رانا لبعضنا
]
[/url]
اتمنى اني لم اطل عليكن استحملنني رجاءا
خاصة وانت متلحفة جبتيها والله قليل الللي مازال تعرف تتلحف هك
صحيتي وخدمتك رائعة ورقيقة مزيدا من التطور والإبداع
الله يعطيك الصحة والله خدمة متقووووونة
حبيت نسقسيك تخدمي الروبات المطروزين في الصدر كيما جماعة ادرار
واه اختي بنت عين صالح بالماشينة لقديمة كنت نخدم بصح بهاد الجديدة مزال ما بديتش وكي نعمل وحدة نوري لخواتاتي بالمنتدى بصح غير بالباسي بلا موش كيما البتيت فيل وكراند فيل هههههههه لخاطر عندها ماكينة خاصة