وانا عملت وبعمل الاتي
قبل ما اتجوز كان شعري طويل وكنت بصبغه كثير بعد ما اتجوزت ومع اخر صبغه لقيت شعري مقشه تكنسي بيها شارع 
فقررت الأتي طبعا بعد جوزي ما سافر
قصيت شعري خالص يعني بقه قصير جدا وبكده شلت كل الشعر البايظ والمقصف والناشف علشان ابدا العلاج الصح
بعمل شعري كل أسبوعين حمام زيت جوز هند مخلوط بزيت الثوم .. زيت الثوم كارثه ومالوش حل لوحده
لاني مش من هواه خلط الزيوت كلها مع بعض فقلت عمل جوز هند بثوم وشعري طول وتقل الله أكبر في شهرين
الشامبو والمعروف ان فيه ماده ضاره على الصحه وهي اسمها Sodium Laureth Sulfate وهي ماده شديده الخطوره
فبعمل ايه انا بقه 
بحط شويه شامبو تقريبا نص معلقه كبيره او معلقه صغيره على كوب ماء واقلبه
واغسل بيه شعري واول ما احطه وارغيه ثواني واشطفه ماتسبيش الشامبو على راسك وتقولي لما اتليف اشطفه 
غلط
وطبعا مش بستخدم الشامبو الا لما اكون عامله حمام زيت بس
وباقي الاسبوع يا بنات لو حبيت اغسل شعري أعمل ايه خدي عندك ومن مطبخك
مره اشطف شعري بمنقوع زهر البابونج
مره بمنقوع الشاي
مره بمنقوع قهوه
مره بماء وخل تفاح
والشامبو كل 15 يوم بس لما اعمل حمام الزيت
افتكرو زمان على الصابون والجاز كان شعرنا قد كده وناعم وبيلمع وطري
الشامبوهات دي هي اللي دمرت شعورنا يا بنات والله وكمان استخدامنا غلط شوفي البعض بيستخدمها ازاي
تيجي تحت الدش كده وتفرد كفها وتدلق الشامبو دلق ال ايه عشان الرغوه تبقى كثيره وهي مش عارفه انها بتدمر شعرها بالبطئ
قللي من استخدام الشامبو وكمان خففيه زي ما شرحت وبعد كام شهر هتشوفي النتيجه
كمان كثره خلطات الزيوت مع بعض مش بنصح بيها
كفايه نوعين ثوم اولا ومعاه حاجه تانيه قد ايه الثوم ده كنز للشعر محدش كثير عارفه
ثوم وجوز هند . ثوم وزيتون . ثوم ولوز . المهم الثوم ومعاه حاجه
وحمامات الكريم الجاهزه ما هي الا مسكنات للشعر
شوفي دي ماسكات طبيعيه للشعر وتحفه
هاتي الافوكادو … اللي مش عرفاه تكتب في جوجل اسمه وهي هتشوف فوائده
وتهرسيها ومعاها زبادي او بيض او الاثنين واعمليها ماسك لشعرك وسيبيه مثلا 3 ساعات واغسليه
تحفه ومغذي جداااا ومافيهوش مواد كيماويه لشعرك كما هو موجود بكل ماسكات وحمامات الكريم
هاتي مايونيز ومعاه ملعقه عسل نحل واعمليه ماسك على شعرك برضه حلو
الزبادي جميل وبيطري الشعر الناشف ومغدي لبصيلات الشعر ومافيش فيه كيماوي
نصيحه سيبكم الجاهز وخليكم في الطبيعي حتى لو مافدكيش مش هيضرك