وحدة فيكم تعلمني المقروط . 2024.

سبحان الله كاين حاجات بزاف نديرهم و صعبتلي في الحاجة الساهلة عند الناس كامل هي المقروط العادي تاع الغرس

المشكلة انني نبسس نورمال و كلش لما نحط ماء الزهر غير شوية يجي يتفتت و الشكل تاعو مايشبهش لانو ماشي ملموم مليح
و نهار نحط ماء الزهر باش يتلم كامل يجيني يابس مافهمت والو
لي تعرف ماتبخل عليا
العايلة تاع راجلي يديروه فن نحير كيفاش يصلحلهم هكذا و قلت لواحدة فيهم تعلمني هادو شهرين زعما ندي الحوايج و نروح عندها و لا تجي عندي راهي تتماطل …ايه اليوم غدوا و رايحة
مالا مادابيا توريولي نتوما يا صحاباتي هههههه

شوفى حبيبتى انا تانى كا ن مشكل عندى في المقروط وماشى كما قلتى ساه

انا علمتهولى عجزتى جزاهاالله كل خير

عندك اولا السميد لازم تنحيلو الرطب والخشن تستعملى الوسط

تانيا تكيلى 4 كلات سميد مع كيلا دهان اى يعنى سمن وزبدةوتحبكيه بين يديه حتى يرجع كما الرغوة تاع الصابون

ومن الاحسن تخليه متلا ديريهفى الليلوتكمليه الصباح

المهم ماشى درورى ومن بعد تبليه بى الماء الدافئ وماء الزهر لكن ما تعجنيش تلمى برك

ولا تخافى ادا كان السميد مليح حتى يرجع كما الكسرة وانتى تلمى وانتى تجربى الى يتشكل حربوش ولا لا

وتخليها ونروح للغر لى لازم تكون واجدا عندك

تتعجن مليع وتتنقى وتعجنها بى المء الزهر وضفلا ليها القليلمن القرفة والقرنفل مرحى
الجلجلان مرحى

ولازم تكون جاريا شى بى المء العادى وماء الزهر
وكى تقربى تخلصى العجين تعجنها بى قليل من الزيت وتلمها مليح وتدهنها بى الزيت على شكل حرابيش

وتبداى العمل

تاخدى كمية ماشى كبيرى بما انك مبتدء وتعملى الازم

وادا حبيتى اى استفسار رانا هنا بادنى الله

نفس الطلب من الاخوات وسيرتو انا مدابيا الي يطيب فالكوشة ان شاء الله لبنات يعا ونونا

اختي سوسو ممكن هدا نطيبوه فالكوشة

كي تبسيه خليه يبات يومين ماشي ليلة برك وشوفي كيفاه يمشي في يديك تلعبي بالعجينة متقلقكش طول

اى حبيتى عادى انا نطيبو في دار ديما سخنى الكوشا شوى من قبل ومن بعد حطيه يطيب يجى يهبل شعليلو من تحت ومن بعد من فوق

يا أختي باش ما يتفتتش و ما يجيش يابس المقروط سواء تاع اللوز أو الغرس هنا المشكل يعود لكمية الماء+ماء الزهر اللي اديريها كي تكون ناقصة يجي مفتت و كي تكون بزاف يجي يابس
أنا و الله غير عيني ميزاني ما نقدرش نفيدك في مكيال الماء+ماء الزهر

يُنقل الموضوع إلى القسم المناسب له

نسمي بالله وندير لي بقالي مبسس من الخطرة لي فاتت -واش نقولكم راجلي كل ما يشوفوا يشبع ضحك عليا-رايحة نحط الماء و ماء زهر بالعقل و نشوف
حبيت نسقسي برك هاذ الوصفة تصلح لهاذاك لي يجي من الفوق مشبح بالنقاش و لا لا لا

اختى العزيزة انا المقرود نكيلو بثلاث كيلات دقيق متوسط و كيلة دهن زبدة مع سمن ملح و كيلة ماء مخلطة بين ماء و ماء زهر خلطى برك بين صوابعك ما تعجنيش امى ديما تقولى لازم تكملى الكيلة تاع الماء واش هو ما تحطيهاش مرة وحدة مبعد غطيه و خليه يرتاح كل ما يرتاح خير و كى تشكليه حطيه فى بلاط تكون الكوشة تاعك مشعلة لدرجة عالية من تحت حطى المقرود تاعك فقط خمس دقائق مبعد شعلى من فوق
اما فيما يخص مقرود النقاش هداك وصفة اخرى يكون فيها دقيق و فرينة لانها تساعد باش النقش يجى باين و ما يروحش مع الطياب
موفقة ان شاء الله

يخى ديره بى الطابع تاع المقروط خير

كاين انواع بزاف

جربى الكيلة وردلى الخبر

ركزى على الحبيك اهم مرحلة