ختي اميرة انا من اشد المعجبات بوصفاتك وراني معولة ندير تشاراك مطلي كيما لي خدماتو اختي وزنك دهب وبنفس طريقة اللف لاكن علاش ماجاتش مسوية بلاك مالفتش لعجينة مليح تعيشي ختي فهميني كيفاش ندير باش يجيني مليح ولا لازم يكون الشكل مستطيل باش يجي مسوي وهادي الوصفة الي رايحة نعتمدها
*تشاراك بالطلية من مطبخي بصوري
________________________________________
المهم من نفس هذه العجينة سنخرجو منها حلويات روووووووووووعة وقمة والاهم تذوب فالفم يم يم صراحة عجينة هذه معتمدة عندي من بزاف
كل ماندير بيها حلويات الكل يدي مني وصفة وتخرج لهم ناجحة بامتاز مالا ماريحاش نبخلها عليكم
الان ندخلو فالصح والجد وجديد :hgf:
المقادير :
كيلة زيت
كيلةزبدة او سمن (خدمت بيهم وملاح في زوج)
كيلة حليب
رشة ملح
ونلمها بالفرينة مغربلة 03مرات (بالنسبة للفرينة حتى تتحصلي على عجينة حاكمة روحها )
نديرها في كيس ونخليها ترتاح ساعة (ممكن اكثر)
الحشو: الطريقة الاولى تقليدية
03كيلات لوز او جوز او كاوكاو +1/2كيلة سكر+ملعقة زبدة +قشور قارص ونلمها بماء زهر
الطريقة الجديدة: 03كيلات كاوكاو+كيلة جلجلان+ملعقة حلوة ترك ونلمها بالمعجون
القلاصاج:
بياض بيضة+03ملاعق كبيرة ماء زهر+03ملاعق كبيرة زيت+03ملاعق كبيرة عصير ليمون ونلمها بسكر قلاص مغلابل 03مرات قبل
***من اراد تلوين قلاصاج يذوبو فالاول مع 03ملاعق كبيرة ماء زهر للحصو على قلاصاج جميل جدا
الان ندخلو في عالم صور
بالطريقة هذي يجوك نفس الشكل جميعا
[/center]]
نفس العجينة و الحشو اللي درتهم
لكن الصور ما خرجوش علاه؟؟
يلا نتنافسوا على احسن تشاراك مطلي ههه و يقيمونا نسوة المنتدى ههه
ديري القلب و اخدمي الله يعاونك
بارك الله فيك على المجهود اختي
ممكن تستعملي طابع التشارك كل الحبات يخرجوا متساويين هو عبارة عن مثلث كبير
ربي يعاونك
ديريه اخيتي
بالنسبة للشكل الكثير يلقا فيه مشكل انا تاني كنت نلقى فيه مشكل مرات حبة جي كبيرة على حبة بصح من بعد وليت العجينة نوزنها اي نشكل كريات و حجم كل كرية = 30 غ و هكدا نضمن الحبات يجو كامل متساويين
لكن كاين طريقة اخرى كنت نعتمدها بلا مانوزن الحبة و هي نحل العجينة و نقطعها بطابع دائري و نشكل حبة التشاراك و هكدا تضمني مايجيكش خضر من الداخل اي يطيب عادي و زيد لازم الحلوى طيب على نار متوسطة اليك الصور توضح طريقة تشكيل الحبة
هذه الصور فقط توضيح لطريقة عمل التشاراك راهي ماخوذة من حلوى شوسون بالقوفرات فقط لايصال الفكرة في الصورة الاخيرة كي تطوي العجينة على الحشو دوريها غير بالشوية و تحكمي فيها من بعد شكلي حبة التشاراك نتاعك عادي و هكدا راكي تجنبي فكرة لف العجينة
– بالنسبة للعجينة اللي حطيتها هي نفسها اللي راني نعتمدها و جي هايلة
la pate magique الخاصة باستعمالات الحلويات المعسلة و المطلية و المرمدة
و القلاصاج ايضا نتبع نفس طريقتك لكن للاسف الصور لم تظهر عندي
نشكرك اختي حاملة المسك اي سؤال اخر انا في الخدمة حبيبتي