اضع في برمة تاع فخار اللحم ونخليه حتى ينشف من الماء من بعد نحط البصل المرحي ثم نحط شوية زيت ونخليهم يتقلاو على نار هادئة حت تدبل البصل تماما اضيف كمشة حمص والملح وفلفل اسود وراس حانوت والعكري الحلو والحار ونخلط ثم نضيف الكرافس والدبشة مقطعين ونخليهم يتقلاو دائما على نار هادئة ثم نضيف طماطم كعب مرحي ونخليه حتى ينشف انا عادة تقلية برمة الجاري تاخذ تقريبا ربع ساعة اضيف الطماطم المصبرة ونحط قليلا من الماء الدافئ ونرمي اعواد الكرافس ونغلق ونخليه حوالي ربع ساعة على نار هادئة ثم اضيف الفريك ونخلية يشرب هداك لا صوص ومن بعد نضيف الماء حسب ما يطيب الفريك وقبل ما نطفي بحوالي دقيقة نحط زوج قرون فلفل حار تغلي غلوة ونطفي عليه انتظر قليلا حتى تحبس البرمة من للغليان واضيف النعناع اليابس المرحي وبع ما تزوجت زوجي ما يحبش النعناع نحط دبشة مقطعة بعد ما نطفي على البرمة وفي الصحن في ساير الايام نعمل معاه البوراك او لي شوصون او البطوط شهية طيبة
اختي ام مندر شربة حطيتي تشيشة واش هي تشيشة هل هي لفريك والخضار نرحيهم وزيدي حطي طريقة تاعك في العجاعن مثل مقرونة كدلك في الحبوب مثل حمص مرقة حمراء البرح درت للعشاء لوبيا تاعك جاتني تهبل يسلمو اديكي
السلام عليكم اختي احنل طريقتنا في الشرق مختلفة تماما الجاري عندنا هو كالاتي تحطي لحم خروف والبصل والثوم والكسبر والفلفل اسود والدبشة مقطعة رقيقة والملح والزيت في طنجرة او كوكوت وتقلي مليح ومن باعد تضيفي حبة طماطم مرابية وزوج ملاعق طماطم مصبرة وامرقي وكي طيب اللحم زيدي قرن حار ودبشة وفريك وخليه حتى يصيب وتخثار واحد ربع ساعة توجد واذا تحبو النعناع طفي عليها وارمي عرق نعناع وشهية طيبة
بسم الله الرحمن الرحيم شربة فريك او الجارى بلفربك قبل ما نحضر الجارى لازم لنا نحضر راس الحانوت وما هو راس الحانوت كل واحد كفاه يسميه وهو فى الشرق وبضبط فى ولاية باتنة وضواخيها راس الحانوت يتكون من عدة توابل وهى القصبر حب ….بسباس……حبة حلاوة…..كروية……..مسك لجبير…والكركم بعد تحضيرهم من قبل وضعهم فى علبة التوابل وهنا نبدا بتحضير الشربة ضعى البصل والثوم والطماطم مصيرة وطماطم حب والزيت وقصبر حشيش والملح وربطة كرافص وقرن فلفل حار ومغرقة اكل راس الحانوت اللى وجدتيه واللحم وكاس ماء وخليهم على نار يتقلاو شوى وضفى الماء واغلقى الكوكوت ومبعد اطفىء النار وصفى المرق واتركها فوق النار مرة اخرى وضفى لفريك واتركها اطيب الفريك غلى نار هادية ومبعد ارمى القصبر حشيش والفلفل الحار مقطع صغير وورقة رند واغليقها مدة دفائف وشهبة طيبة………ملاحضة الاخوات تستعمل فلفل الاسود بكثرة وهذا غير صحى انا استعمل فلفل الاسود احيانا فقط وليس دائما جربى الاخت ام بيسو طريفتى وانشاء الله تعجبك وتعجب الاخوات وشكرا
يعطيك الصحة ياصحبة
الافكار الرائعة ابداع في القمة الله خليك والله دائما ندعيلك غير بالخير
السلام عليكم و رحمة الله تعالى و بركاته
يعطيك الصحة على مجهوداتك أختي أم بيسو
و هدا رابط الوصفة تاعي
https://www.dzhawaa.com/vb/showthread…142#post292142
طريقة تحضير الشوربة
المقادير
نصف رطل لحم قطع صغيرة.
بصلة مفرومة.
رطل طماطم , حبات حمراء كاملة.
فنجان طماطم مصبرة.
حبتان من كل نوع (بطاطا و لفت و جزر و قرعة)مقشرة ومقسومة إلى جزئين.
نعناع وقصبر.
نصف فنجان زيت , ملح , فلفل , قرفة .
لتر ونصف ماء.
شوربة=شعيرية
او
فريك قمح
التحضير :
نأخذ قدرا نضع فيه كل من : البصل واللحم والزيت والملح و الخضار والبهارات والطماطم المصبرة ونصف كمية الحشائش مقطعة , ونضع الكل فوق النار لمدة 10 دقائق مع التحريك ثم نظيف الماء ونغلق القدر , ونترك الخضار لتستوي .
بعد ساعة إلا ربع نفتح القدر ونتأكد من استواء الاثنين اللحم والخضار , فنختار كل الخضار ونضعها في المطحنة ونقوم بسحقها , ثم نظيفه على المرقة ونتركها لمدة5 دقائق إلى أن يحدث الغليان ثم نظيف لها الشوربة أو نظيف لها كأس شعير ثم نترك الكل فوق النار حتى يستوي لمدة 10دقائق تقريبا و في الأخير نضع عليها بقية النعناع والقصبر .
وأخيرا نضع شوربتنا في الصحون , وبجانبها قطع الليمون..
