عيدكم مبارك مسبقاااا
الكرشة او الدوارة عند البعض الاخر
تختلف
تتفنن بعض السيدات في تحضيرها 
وتمتنع اخريات عن اكلهاااا
ولتستفيد الشريحة الاولى ولم لا تحفيز الشريحة الثانية
تفضلن باعطاء طرق طهيكن للكرشة/الدوارة
سواء في تحضير العصبانة او لاكلات اخرى
في عائلتي الكرشة نطيبو بيها
اما
مع الملوخية
نعم الكرشة تكون مقطعة قطع متوسطة وتطيب مع الملوخية عادي تجي تهبل
اما
عصبانة بالكسكسي او الشخشوخة
الكرشة بعد ماتتنقى مليح نقسموها بالسكين ونعملوها اكياس تخاط بالابرة والخيط.ونخليو فتحة فقط باه نحط منها الحشو.
المصران المنقيين نقطعوهم قطع صغيرة.
ونزيدولهم الكرشة الي بقاتنا وماقدرناش نعملو منها اكياس.
نضيفولهم معدنوس مفروم
+ثوم مفروم و قليل من البصل
+شوية شحم مرابي يعطي بنة وفرق كبير في الطهي
+طماطم مصبرة
+هريسة للبنة
+حمص مرنخ (مشمخ)
+ملح وتوابل (فلفل اسود+فلفل عكري+تابل وكروية+راس الحانوت)
+1/2 فنجان فريك (كاين ال يحط الارز لكن انا افضل الفريك كي تطيب مايبانش الفريك خلاه).
نحرك الخليط تعنا مليح ونعمرو الاكياس الي عملناهم ومن بعد نخيط الفتحة الي خليناها قبل.
تحفظ بالمجمد الى حين استعمالها.
اما
طاجين العصبانة
العصبانة المحضرة قبلا
نطيبوها في مرق احمر(زيت+بصل+ثوم+ملح وبهارات+طماطم مصبرة)
ولما تطيب نحيوها ونخليو المرق يخثار شوية.
العصبانة نمروها ب الفرينة ثم البيض المضرب ونعاودو نقليوها في زيت تتحمر وتاخد نكهة.
تقطع على 2 وتسقى بمرقها.
اما
بكبوكة او شكمبة (عند العنانبة)
الاكلة هده يفضل تجهيزها ليلة قبل اليوم الي حابة تطيبيه فيها.
وهي اكلة شعبية ويطيبوها غداء نهار العرس بعد الدبيحة طبعااا
الكرشة والمصارن يتقصو طراف متوسطة الحجم.
وفي قدر نضع زيت+بصل+ثوم+طماطم مرحية+معدنوس مفروم+القليل من الفلفل الحار مقطع رقيق +ملح وبهارات(فلفل اسود+فلفل عكري+تابل وكروية وراس الحانوت و كمون)
+طماطم مصبرة
نقليوهم مع بعض ونمرق ونخليوهم يطيبو على نار هادئة
لوكانت الكمية قليلة وشفتيها ماتكفيكش (حسب عدد العائلة) ضفيلها البطاطا مقطعة مكعبات.
تزين بالمعدنوس بعد ما تطيب
وشهية طيبة
انا جبت الممبار وقطعته وقلبته ووضعته فى مصفاة وحطيت عليهملح وخل
وتركته لمدة كافية ثم كحته وغسلته كويس وبعدين قلبته تانى واسهل حاجة تحت الحنفية
نيجى بقا
للمقادير
ممبار
بصل وتوم
طماطم
ارز
خضرة محشى
ملح وفلفل وكسبرة وكمون وشطة
نعناع
مرقة دجاج
وتوابلى الخاصة
كارى وكركم وبودرة توم وبصل
الطريقة
نقطع البصل والطماطم والخضرة
ونكون غاسلين الارز كويس ثم نضع عليها المقادير السابقة
ثم نضع التوابل كلها على المقادير السابقة
ثم نحشى الممبار
وبعدين نكون مجهزين ماء مغلى فى حلة
ونضع الممبار وبعد ما نشيل الريمة نضع الحبهان والقرفة
ونتركه حتى يستوى ثم نضعه فى مصفاة حتى يصفى ماءه
ثم نضعه فى الزيت الساخن حتى يشقر لونها ونضعها فى المصفاة
ثم نضعها فى طبق التقديم
ملحوظة
نسيت اقولكم لازم تخرمى الممبار بشوكة قبل ما تضعيه فى الماء الساخن حتى لا يفرقع
وانا نقولك ابرشيها مليح ومتنحلهاش طبيعتها اي الفلفولة تاعها
جيبي سكين وابرشيها واحنا كلنا علبالنا بلي الجهة الحرشة في الكرشة تكون موالية لطعام الخروف
اما عن الطبخ انا واش نلقى في المطبخ
ساعات نشويها للاولاد برك مع خبز وسلطة وهي الساهلة
