و وصفاتهم اكيد متنوعة
من فضلكم لا تبخلوا علينا بها
فيد واستفيد
و شكراااا مسبقااا
طريقتي او بالاحرى طريقة امي
لانه انا في الحقيقة لا احبهم ولا اكلهم وانا الوحيدة في عائلتي
امي تعملهم اما شطيطحة كراوع
بعد التنظيف الجيد طبعاااا
تفورهم مليح حتان يبداو يطيبو
من بعد تحضر
زيت+بصل+ثوم+ملح+توابل+طماطم مصبرة+حبة طماطم مقطعة+قصة معدنوس وتقليهم مليح
من بعد تمرق وتضيف الكراوع المقصوصين بعد ما فارو مليح
احيانا تضيفلهم حبة او اثنين بطاطا مقطعة رقيق
تقدم مع المعدنوس طبعااا والقارص.
اما لوبيا بالكراوع
زيت+بصل+ثوم+ملح+توابل+طماطم مصبرة+الكراوع مقصوصين(بالشاقور هههه) تحطهم في الكوكوت حتان يطيبو مليح وديما تمرق بالسخون
وتطيب اللوبيا وحدها في ماء به زيت فقط من بعد ما يطيبو الكراوع تضيفهم بالمرق تحهم للوبيا الي ما بقالهاش بزاااف وتطيب حتان يعقدو شوية (يلبي) المرق.
وقبل ما تطفي تلوحلهم قرن فلفل حار غلية فقط للبنة.
دى طريقتى فى عمل الكوارع ويارب تعجبكن
شطيطحة بوزلوف او الكوارع
انا طريقتي هادي هي
اولا نشوط البوزلوف اونحرقه على النار
نقيه مليح
نغسلو با الصاابون والماء ونحكو مليح حتى يبياض
مليح
لا ننسى غسل الاذن من لاداخل والانف ظروري ههه
نقطعو قطع كبيرة ونحطو يغلي مع ماء وملح
وزيت باش ما يفيضش كي يغلى
كي يطيب نحيه
نفصله من لعضام
ونقطع قطع صغيرة ماشي صغيرة بزاف هههه
نحطو فى طنجرة نقطع عليه لحشيش وبصلة وثوم
مفرومين وطماطم مصبرة وكمون وفلفل كحل وزيت وملح ونقليه
ونحط حمص بعد ما نكون طبختها من قبل ةالي يحب الحار يديرلو فلفل دريس حار
ونخليه يطبخ حتى يعقاد
او يختار نطفي عليه ونقطع عليه الحشيش او الكسبرة
وصحة وهنا وعيدكم مبارك عليكم وعلى الامة الاسلامية
تقبلو تحياتي