مساعدة 2024.

مرحبا انا غضوة جديدة معاكم وحبيت تساعدونى حبيت حلوة الملفوف اللى تعرفها تخبرنى رجاء وشكرا

اهلا بالعضوة الجديدة امولة مرحبا بك في منتدانا العزيز ما تتقلقيش ذرك وحدة من الاخوات العضوات تساعدك

[align=center]مرحبا بك اختي اولا حطي طلبك في القسم الخاص ب استفسارات و طلبات العضوات[/align] اسفة ما نعرفهاش ممكن الاسم غريب علي اوصفيهانا و لا صورهانا

مرحبا بك اختي
طيب اختي عندك صورة للحلوى

اهلا بيك حبوبة معنا وان شاء الله تلقاي مرادك هنا ادخلي قسم الحلويات لعلكي تجدي ضالتك

السلام عليكم اختي امال
اولا مرحبا بيك معانا وثانيا راني جبتلك حلوة الملفوف لنعرفها ومعلاباليش الا هي لراكي تحوسي عليها خاصة وانك محطيتيش الصورة نتاعها
بالنسبة لمقاديير لعجينة هي –80غ مارقارين+80غ سكر+250غ فرينة +نص باكي خميرة كيميائية +فانيلا+صفار بيضة+حليب …خلطي المقاديير مليح وديري لحليب حتى تتحصلي على عجينة طرية ..
اما الحشو.فيه80غ جوز الهند+50غ سكر مسحوق+2 ملاعق كبار كاكاو +1بياض بيضة +فانيلا+ماء الزهر خلطيهم كامل حتى تتحصلي على خليط سائل قليلا…
واخير الطلاء وفيه-علبة شكولا +2ملاعق كبار حليب+قطعة صغيرة مارقارين دوبيهم على حمام مائي وبعد ما طيب الحلوة وتبرد مليح ديريلها الشكولا لدوبتيها .وتشبحيها كيما تحبي..
ملاحظة تقدري تضاعفي المقاديير باش تتحصلي على كمية مليحة

وهذه باقي الصور

ميمي فعلا هادي حلوة هايلة متعودة نديرها بشكل متلت لكن حلوةبنينة تهبل

يعطيك الصحة ميمي على المجهود باينة حلوة هايلة ان شاء الله تكون على حسب طلب الاخت امولة

سلام اختى روحى للصفحة 6 تلقايها حطيتها بالصور و المرحل لاخت حنان 80