الزيتون المرقد : هذه طريقة علمتهالي خالتي ، أنا كنت نرقدوا بطريقة أخرى بما انه الآن وقته ،( الزيتون الأخضر اللي يتباع في الطريق )، أنا نعمل كمية كبيرة من الزيتون ، و تقدري تتناوليها طوال فترة الشتاء .
المقادير : _ الزيتون ( حسب الرغبة تقدري تعملي حتى 20 كيلو أو اكثر).
_ ملح .
_ الجزر( 4-5 جزرات لكل قارورة 5 ل).
_ قارص ( 2 حبات قارص صغار لكل قارورة5 ل ).
_ ورقتين رند // // .
_ الخل ( 4 ملاعق // // .
_ فلفل حار ( 1 أو 2 حسب الرغبة ) .
التحضير :
_ أولا نشقه الزيتون بواسطة السكينة ، 3 أو 4 شقات ، ( شق فقط مش نقطعوه) ،و نضعه في الماء ، من المستحسن نستعملوا قارورات ماء السعيدة تاع 5 ل بعدما تفرغ ، باه نتحكمه فيه أثاء تبديل الماء ، و ما يدخلوش الهواء ، نضعه في مكان بارد ، و نبدل الماء كل 10 أيام ، كي نشوفوه بدا يطيب ، نذوقوه إذا راحت منه المرارة ، ( الطعم المر) ، نضع ماء جديد للزيتون + 4 ملاعق صغيرة ملح ، بعد أسبوع نبدل الماء للمرة الأخيرة و نضيف المقادير التالية : الجزر (de rondelles ) + القارص (des tranches) + أوراق الرند + فلفل حار ( نشقوه إلى اثنين ) + 4 ملاعق كبار خل ، و يمكنكم بعد ذلك أكله بالهناء و الشفاء .
ملاحظة : ما تعمريش بزاف القارورات بالزيتون و الماء اتركي مجالا صغيرا .
هريسة عربية :
المقادير: _ فلفل حار أحمر 500غ ( تقدري تشري فلفل حار اخضر عادي و تخليه يحمر في الشمس ، طريقة تاع عزايز صح 
، أنا درتها كي بقالي الفلفل الحار ماللي درتوا طرشي )- كان اللي يستعملوا اليابس الصغير، طريقة مغربية بعدما يحطوه في الماء يغلي 5د –
_ راس ثوم كبير .
_ كأس زيت الزيتون .
_ ملح / تابل و كروية / كمون .
طريقة التحضير 🙁 من الأفضل وضع قفازات قبل العمل )في قدر و كسكاس نفوروا الفلفل الأحمر بعد نزع القرون الأمامية فقط كي يطرى نطفيوا و نضع الملح ، و نخليوه حتى يسقطر من الماء ، بعدما ينشف مليح نخلطهم في الخلاط مع الثوم المقشر + ملعقة ملح + الكمون و التابل + زيت الزيتون ، نفرغها في وعاء زجاجي معقم و فوقه قليل من زيت الزيتون للحفاظ عليها نضعها في الثلاجة .
ملاحظة : إذا خليت الفلفل يحمر، خليه يبقى طري ، ماتخليهوش ييبس و استعمليه .
الفلفل طرشي: ما كانش ما أسهل منه و لا ألذ منه .
المقادير: _ فلفل حار حسب الرغبة ( أنا درت في قارورة ماء سعيدة 5 ل يعني تقريبا 3 كيلو و نصف حسب حجم الفلفل ) .
_ 2 قارورات خل أحمر( يعني مش الأبيض) .
_ ملح .
_ ماء .
_ راس ثوم مقشر .
طريقة التحضير : نقطعوا الفلفل الحار إلى نصفين أو أكثر إذا كان كبير، نضعه في القارورة و نضيف الخل و1 ملعقة كبيرة و نصف ملح و فصوص الثوم كاملة دون تقطيع ، و نملأ بقية القارورة بالماء . و اتركيه حتى يطيب تعرفيه من ريحته شهية جدا ، يستعمل مع الكسكسي أو الشخشوخة ، أو أي شئ آخر .
ملاحظة : لا يبقى الفلفل حارا أبدا ، بل يُصبح له مذاق آخر لذيذ .
بالهناء و الشفاء .
أحبـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــكن في الله
أكيد نستفادو منها لأنو الطرف متنوعة و طريقتك عجبتني شكرا لك ربي يحفظك
فشكرااااااااااااااا
ننتظر جديدك مهما كان بسيط
لك تقييمي
