بسم الله.اختي لا يكاد بيت جزائري يقدر يستغنى على الكسكس ولكن لما تعاوديه يحرق.وهناك من تستعمل الملعقة.خلاص وداعا للتوحويح.اختي لما تضعين الكسكس في الكسكاس المدهون بالزيت للمرة الاولى على القدر تنتظري حتى يفور لما تنحيه.تكون موجدة ماء مغلي ساخن تصبي الماء الساخن عليه في كل الجهات مثلا4 ملاعق التسقية .وبداي تنقصي على حسب كمية الكسكس وتتركيه ومرة على مرة تلمسيه لما ينشف قلبيه في القصعة وخليه حتى ينشف وبداي تفركي فيه بالعقل ثم رجعيه في الكسكاس المرة الثانية لما يفور نحيه و فركتيه بالملعقة وديري الزبدة وقليل من السكر.وقدميه……ملاحظة:وممكن لما ينشف ديري قليل من السكر والزيت وفركيه قبل ما يفور.اختي واذا لاحظتي انه خصوا الماء ضيفي بعد ما ينشف قليل من الماء وتركيه5 دقائق.انا من يوم خبرتني صديقتي راه زوجي مهبلني على الكسكس والرايب قالي معندك حتي مشكل وحتى اهلي واخوات راهم متهنيين,جربوها على كمية قليلة قبل الاخت الي تستعمل كسكاس الحلفة اي ماش الحديد تقلبه وهو ساخن في وعاء متقب.اختي منجحتلهاش لانها لما شمخت الكسكس المرة الاولى قبل ما نديرو ه يفور لما يكون يابس لم تتركه يجف جيدا.جربوها ترتاحوا……
يعطيك الصحة في الحقيقة شوية مفهمتش حبيتي تقولي لما نكب عليه الماء السخون ونديرلوا الزبدة والسكر مرجعوش ازيد افور ولا واش وهاذي الطريقة تصلح على الكسكس المشري هاكي علبالك والا لا
شكرا
لالا ختي عاودي قراي بلعقل.تتركيه لما ينشف تعاودي ترجعيه يفور المرة الثانية.ويصلح لجميع الكسكي تاع البيت و المشري الا سيم مرات يجي رقيق بزاف حولي متكثريش الماء اذا كانت الكمية قليلة.اختي جربيه والله ليجي الكسكس هايل…..ومتتعبيش.السلام عليك
مليح اختي شكرا لك على النصائح
صحيتي ربي يحفظك
ما فهمت وااااااااااااااااالو ارجوك اختي اعيدي الموضوع للإفادة ما فهمتش تاع الصح قريتو 3 مرات
اختي غير بالعقل.جيبي الكسكس غسليه بالماء(او كيما ديريلو انت)ثم خليه ينشف مليح.ديريلو الملح و ديريه يفور في كسكاس حديد مدهون بالزيت.على جيهة غلي الماء.لما يفور الكسكس نحيه من على القدر و حطيه على حاجة(باسينة).وحكمي الماء المغلي وصبيه فوق الكسكس كامل حوالي 4 ملاعق مغرف تسقية.وانت وكمية الكسكس.ثم لما ينشف ملفوق قلبيه في القصعة.ولما تلاحظي انو نشف ضيفي ملعقة زيت و حليه بين يديك بلعقل.ثم ضعيه يفور مرة اخرى.لما يفور ديريلو الزبدة وشوية سكر وقدميه.يارب تكون فهمت.