بيتزا بيتزا شكون مايحبهاش
من عندي ليكم بيتزا محشية نقانق
المقادير
حوالي 4 كؤوس فرينة ،كاس وربع ماء دافئ، 3 ملاعق لحظة، فنجال زيت، ملعقة كبيرة خميرة فورية، ملح
بيضة، علبة فطر، صلصة بيتزا، جبن مبشور للبيتزا ، نقانق
التحضير
نحطو كاس ماء دافي الخميرة الزيت الملح لحظة البيضة وكاس فرينة في الخلاط الكهربائي لمدة 3 دقائق
وراح نلاحظو الخليط يطلع بالخف لانو مخدوم مليح
نفرغوه في اناء ونزيدولو بقية الماء والفرينة تدريجيا
حتى نتحصلو على عجينة طرية نغطوها ونخلوها ترتاح 15 دقيقة
نقلي النقانق
نقطعو الفطر شرائح
ونقلوه في زيت النقانق ونوجدو صوص البيتزا
نحطو العجينة على السينية ونرفعوها من الحواف
نحطو النقانق في الحاشية
ونغلقو عليهم الاطراف مليح ونثقبو البيتزا بفرشاة
نحطو عليها لاصوص طوماط
الفطر
والجبن المبشور وندخلوها للفرن (وكان من المفروض ندهن اطرافها بالبيض وانا نسيت)
وهاي ليكم طايبة واجدة
مايبقى غير نقصوها وبالصحة عليكم
ان شاء الله تعجبكم
انا ناخد اول قطعة
هايلة انا بنتي تعشق البيتزا ان شاء الله نجربها
مديهالها كاملة واذا ماكفتهاش نزيدها
امممممح ليها
ماشاء الله عليك اختي الغالية مون
زدتينا حاجة جديدة وخرجة واااااااااااااعرة
الله يحفظك على هاذ الوصفة الجديدة علينا وكوني أكيدة اني سأجرب كل وصفاتك صفحة صفحة
تستحقين التميز وكل دعاوي الخير غطاك وفراشك يااختي لعزيزة لي ماراكيش تحرمينا من كل جديد .
احتراماتي + 
.
شكرا لمروووورك
ان شاء الله ارى منك تطبيقا لاحد وصفاتي في القريب
شكرا لك على دعوة الخير وجازاك الله مثلها وافضل منها ان شاء الله