ماشاء الله صلو على النبي الحبيب "عليه الصلاة و السلام"
مقادير العجينة…
1 كلغ فرينة.
قرصة ملح.
250غ مرغرين.
نخلطهم و نحك مليييييييييح.
امبعد نجيب الماء و نزيدلو ماء الزهر و نلم العجينة.
و نغلفها بالسيلوفان و نحطها ترتاااح 2 سا.
نروح نوجد الحشو نرحي اللوز انا درت 1/2 بالقشور و 1/2 منقي
نحط 3 كيلات لوز + كيلة سكر و نخلطهم و نحطهم .
نجيب الماشينة
و نبدا نقسم العجينة و نحلها بالحلال امبعد نجوزها فالماشينة فرقم 1ثم 3 ثم 6 ثم 7.
و ندهن السنيوة بالمرغرين ذائبة و نفرش الجينة لي حليتها و هكذا حتى نلحق 7 طبقات بصح نخالف الطبقات وحدة بالطول و وحدة بالعرض.
امبعد نثقبها بالكيردون ..
نفرش الحشو و نسقمو مليح بالحلال
امبعد نرش الحشو بماء الزهر.
نعاود نخدم الطبقات حتى 6 و نطراسي الحبات و نزين كيما نحب انا هنا زينت بوريدات و كل وحدة واش تحب او تخليها سامبل و نرشقو حبات اللوز.
وندهنها بالمرغرين الذائبة..
وندخلها تطيب حوالي 2سا 180 درجة و نشعل مالفوق و ملتحت .
و هنا بعد ماطابت.
نعسلها مباشرة رطل عسيلة مخفف بشوية ماء زهر.
نخليها تبات و نقسمها …
اممم علابالي شهيتكم ذوقو بصحتكم هههه.
ردوركن تشجعني للمزيد من العطاء 
شكرا على الشرح الوافي و الصور الكثيرة
رائع يا كارولينا واصلي
ماشاء الله رووووووووعة ,تجنن ….يعطيك الصحة والعافية
ننتظر المزيد…..
شوفي عندي المشينة أمنيتي نديرها ربي يوفقني برك
( اختي الصلاة على النبي لا ترد العين ولا تقال في هذا المقام,علمنا رسول الله اذا عجبنا شيئ ان نقول ماشاء الله ,بارك الله,والصلاة على النبي في مقام الاعجاب او رد العين لا يقال وجزاك الله خيرا )
تشهي
ربي يوفقك و ديريها و تجيك هااااااااايلة باذن الله انا قلت ماشاء الله لرد العين اما الصلاة على النبي لكسب الاجر لنطيب افواهنا بالصلاة على الحبيب و شكرا على مرورك