السلام عليكن سيداتي الكريمات نتمنى تكونو بالف خير
حبيت نشاركم اليوم بحلوى جزائرية تقليدية و هي الغريبية و في منطقة تنس يعرفوها باسم" مونتيكا" و اليوم راني رايحة نمدلكم طريقة بسيطة تقليدية في عملها لان هذه الحلوى تطورت و اصبحت تاخذ اشكال و اذواق مختلفة
بلا مانطول اليكم الطريقة المرفوقة بالصور
المقادير:
– 250غ زبدة طرية بوماد
– 250غ زيت
– 250غ سكر ناعم
– ¼ م.ص خميرة كيميائية
– لفاني
– كيلو فرينة
– للتزيين قرفة او اي نوع من المكسرات
الطريقة:
– في ليان ندير الزبدة + الزيت+السكر و نخلط بالفوي جيدا حتى تتخلط كل المكونات و تمتزج مع بعضاها
من بعد نضيف الخميرة+ لفاني و نخلط و نلم بالفرينة حتى نتحصل على عجينة تكون مفركتا لكن كي تحكمي كمية منها تقدري تشكليها وهنا يكمن سر نجاح الغريبية
نشكلها كريات من بعد نعملها على شكل هرم ثم نزينها برشة قرفة او حبة لوز او بندق او اي نوع من المكسرات
ندخلها للفرن يكون ساخن من قبل نخليها طيب على نار متوسطة لمدة 20دلى 25د حتى تلاحظي انها تشققت و دات لون ذهبي فاتح نخرجها من الفرن و نخليها تبرد
و هذا شكلها النهائي
ملاحظة:
– الغريبية شكلها يتوقف على كمية الفرينة اذا كانت قليلة الغريبية جي هابطة بزاف و انا في المقادير هنا استعملت تقريبا كيلو اي حوالي 940غ فرينة و هذا حسب الطحين اللي عندك باش تتاكدي انو العجينة راهي مضبوطة لازم ماتكون يابسة ولا طرية بزاف العجينة تكون مفركتا كيما يظهر في الصورة لكن كي تحكمي كمشة منها تقدري تشكليها كريات
– الغريبية اصبحت تدي اشكال مختلفة و كذلك حتى في الاذواق تقدري تضيفي للعجينة جلجلان محمص او اي نوع من المكسرات مرحي رقيق كما تقدري حتى تلوني العجينة بالكاكاو و اليكم بعض الصور من الغريبية العصرية
اي سؤال انا في خدمتكن حبيباتي
انا ماتصلحليش لكن فكرة الخميرة جديدة
نجربها
انا من عشاق الغريبية الى النخاع
مشكوووووووووورة اميرة
يعطيك الصحة
روووووووعة شهيتيني…..