يا ربي نوكل امري ليك 2024.

يا خواتاتي قلبي راح يحبس نوض و انطيح في الدار ساعات نخلص الشغل تاع الدارعلي 3مساءا وشيخي كل مرة يطيشلي في الهدرة درت الكسرا جات سلفتي قالها تعجبني تاع فلانة وفلانة سلافاتي اخرين هذي غير اسكتي علي يا مرا كل مرة يبكيني روحي كرهتها ما لقيت كيفاه ندير

أختي كاين ناس ما يعجبهمش العجب، واش رايحة ديري اصبري حتى ديري دارك وحدك إن شاء الله، و راجلك علابالو؟

راجليي مرات ما نحبش نقلقو

راجلي ما يقدرش يكري و نخرج

أختي شحال عندك مللي زوجتي؟ و سلافاتك هوما قدم عليك و لا نتيا؟ و تاني علاه شيخك يعاملك هاك؟ يعني طبيعتو ولا غير معاك؟؟؟؟
و راجلكش كيفاش علاقتك معاه مليحة ولا لا؟؟؟ كلما نعرفو تفاصيل اكثر، يكون النصح في مكانو؟؟؟

السلام عليكم و رحمة الله تعالى و بركاته
عندها الحق الاخت مون و أنتِ عندك الحق ما تقلقيش راجلك حاجة مليحة خاطر الراجل ادا شفتيه جا عيان من الخدمة و تزيديلو أنتِ بالمشاكل تاع الدار رايح يمل و يكره و الله أعلم

عندي 4 سنين زواج وراجلي علاقتي بيه مليحة ويحبني بزاف وسلافاتي هما اخوات زوجي وشيخي مع بناتو يعاملهم معاملة خاصة مايحبش يقلقو حتي من حاجة مرة جيت ندير الكسرا قالي اسمعي لكان ديري هاذيك لي ما تطلعش مكان لاه نجيب الخبز خير بي واحد الطريقة حتي خلعت

تحيري أختي، كيما قلتي تتعبي و زيدو يشنفو عليك، يحسبو بنات الناس يطلبو عليهم، المهم نتي خلي علاقتك مع راجلك مليحة و زيدي اكسبه أكثر و نظن علابالك كيفاه، و لخرين ما ديريلهمش حساب، عامليهم عادي ما طيحيش بروحك بصح عامليهم مليح بالقدر و خاصة قدام راجلك، و قتليهم بالبارد حتى ربي يفرج عليك، و ادعي في الصلاة

ما يدوملك غير راجلك لأخرين ما ديريش كلامهم في راسك راجلك هو الصح ما ديم راك مليحة مع راجلك حمد لله كلما تزعفي توضاي صلي زوج ركعات باش يروحلك التقلاق و ربي معاك

معليش اختي اصبري على كلامهم واش راح ديري انت حاولي ما تكسبيش العيب معاهم
الفايدة في راجلك كي يعجبو واش ديري هذاك هو المهم ربي يدوم محبتكم ان شاء الله