السلام عليكم راكم من اعز الناس عندي وراه ربي شاهد لهذا حبيت نفرغ قلبي معاكم وانشاء الله تفيدوني
انا كنت نعرف شاب هو جارنا وفي ليامات اللي فاتو لقالي وقالي وجدي روحك راني جايب والدي ورجال باش يحطوا الكلمة وكيما كان الحال وجدت روحي وجاو وقضاو صالحة وهو قالي وراهم ب 3 او7 ايام راها تجي والدتي و عمتو ونسا من لفامي انتاعهم راكم عارفين العادات وظرك راهم فاتو 20 يوم او اكثر ولولت البارح لقالي يخي سقسيتو على عمتو اذا جات او مازال هي ماتسكنش في نفس الولاية يخي قالي مازال ما نجي ديجا راني البارح ادوست مع والدتي على جالك هي قاتلوا راك طولت عليها لازم انروحو ونلبسولها حاجة وهو قالها مازل انا والله ماني عارفة واش بيه كان فارح وامبعد تقلب ملقري يشتيني انا راني حايرة واش رايكم اندير رقية شرعية افيدوني راني نستنا في اراءكم والله راها قابضتني القنطة ماعرفت واش ندير
أختي رانا كامل نعانو من قلة الزهر
…نصيحتي ليك و عن تجربة عليك بسورة البقرة ليلا و الصلاة و الناس نيام و الدعاء و نشالله نفرحو بيك .
شكرا امينة
يا ختي كل شيء بالمكتوب الا كان من نصيبك يطول ولا يقصر راح يديك
خليها على ربي و كثري من الدعاء و الاستغفار
والا ماجاش ماتزعفيش ربي عندو حكمة في كل شيء عسى ان تكرهو شيئا وهو خير لكم
مساء الخير حبيبتي اهتممت كثيرا لموضوع كي لانه مهم و هذا واش نحو سو من الدنيا المهم أنا من رأيي تنتظري قليلا مدام جا أبوه لا أظن انه يتمسخر بيك و انصح كي بالصلاة و ان امكن ان تصلي صلاة الاستخارة و سوف ترين النتيجة كذلك عليك بالدعاء خاصة في الثلث الاخير من الليل وان كان هذا الرجل من نصيبك فلا يمنع كي من زواجه بكي الا الموت تحياتي الخالصة و حظ موفق ما تتقلقيش
لولو ادريس رني عارفة كلش بالمكتوب بصح قايضتني ماما راها فرحانة وتجري وتوجد في الشورات و الماعن راها تشري وتحط
ربي يجيب اللي فيه الخير ادعولي
ام اية ربي يحفظك على الرد
ماماك اكيد تفرحلك و تحبلك الخير و الهنا صح الموقف صعب بصح لازم تصبري و تبقاي قوية و اذا لزم الامر صارحيها
ربي يكون معاك لاتنسي ذكر الله
سلامي لناس الأغواط نشتي هم بزاف ربي يكون معاك واذا جاو دارهم اخبرينا ما تنسايناش سلاااااااااااااااااااااااام للوالدة
راه المكتوب اسمو مش الزهر حنونة صبرا كي اليوم ونتي فارحانة وهو بالاك راه خاف ولا ارتبك من الزواج والمسؤولية ووووو المهم قوليلو راه الزواج يسهل فيه ربي ما تخمم ما والو والرقية كون تصيبي ديريها نتي وهو بالاك كش عين ولا ربي يفرحك ويهنيك