السلام غليكم
اخواتي العاملات …كل واحدة خاضت معركة العمل وجربت بنفسها الحلو والمر في غمار الوظيفة والان وبكل صراحة وموضوعية
هل انت مقتنعة بعملك 100/100 ….
وهل تشجغين ابنتك على الوظيفة ….لمادا
اخواتي العاملات …كل واحدة خاضت معركة العمل وجربت بنفسها الحلو والمر في غمار الوظيفة والان وبكل صراحة وموضوعية
هل انت مقتنعة بعملك 100/100 ….
وهل تشجغين ابنتك على الوظيفة ….لمادا
ادكري الاسباب التي تجعلك تدافعين عن رايك وتقنعين بها كل فتاة مقبلة غلى الوظيفة كما يقال اسال مجرب ما تسال طبيب
اتمنى منكن التجاوب مع الطرح
بارك الله فيك اختي ام ادريس موضوع مهم جدا
نحن بحاجة الى اراء المجربات
في انتظارهن
نحن بحاجة الى اراء المجربات
في انتظارهن
اختي ام ادريس
ممكن نعرفو رأيك في هذا الموضوع اذا كنت عاملة؟
ممكن نعرفو رأيك في هذا الموضوع اذا كنت عاملة؟
السلام عليكم و رحمة الله تعالى و بركاته أختي – ام ادريس- أجيبك بكل صدق و صراحة و أنا موظفية ، أحب عملي كثيرا و أغضب من نفسي عند أى تقصير- علمنا أنه غير مقصود- الكمال لله عز و جل و جد مواضبة ،وأتعب كثيرا في شؤون البيت الى درجة التعب الشديد ، من خلال تجربتي في الحياة المهنية و الحياة العائلية فأنا لا أنصح أى سيدة تعمل خارج بيتها و تتعب ببيتها كما أقولها دوما لزميلاتي نفقد صحتنا قبل الوقت-فالمرأة العاملة بصدق تتعب كثيرا في حياتها أما من تتهاون بعملها لتتفرغ لشؤون منزلها فسوف تكسب المال – الراتب -غير أنها لن تكون مرتاحة نفسيا بسبب ذلك التقصير و لهذا لست ممن يشجع على العمل حتى لو قيل على رأى متخلف للأنني أسعى دوما الى رضا الله عز و جل*التوفيق بين الوظيفة و العمل بالمنزل صعب جدا*
[align=center]
مشكورة اختي على الموضوع الهام ..انا كنت اعمل قبل مانزيد ابني (نعمل متعاقدة وليس بمنصب دائم) ومن بعد مازيدت حبست الخدمة باه نربي ابني
هاذ الموضوع بالنسبة ليا حساس بزاف وديما كي نتحدث فيه مع زوجي مانلقاوش الحل لاني من جهة نتحسر على شهادتي الجامعية وعلى خدمتي وعلى احلامي وطموحاتي الي مانتمنى نوصل ليها ومن جهة تانية نحب نربي ابني ونقوم ببتي وزوجي على احسن وجه لكني لست مقتنعة بالعمل 100 ب100 لانه المراة العاملة تتعب بزاف وماتقدرش توفق بين الجهتين وتكلف روحها فوق طاقتها باه تحقق التوازن بين الاثنين .والله الامر غير محسوم بالنسبة ليا نحب نخدم ونحب بيتي ونخاف من التعب تاع العمل والدار والزوج والاطفال ..نتنظر راي الاخوات ممكن يفيدونا براي صائب
[/align]
مشكورة اختي على الموضوع الهام ..انا كنت اعمل قبل مانزيد ابني (نعمل متعاقدة وليس بمنصب دائم) ومن بعد مازيدت حبست الخدمة باه نربي ابني
هاذ الموضوع بالنسبة ليا حساس بزاف وديما كي نتحدث فيه مع زوجي مانلقاوش الحل لاني من جهة نتحسر على شهادتي الجامعية وعلى خدمتي وعلى احلامي وطموحاتي الي مانتمنى نوصل ليها ومن جهة تانية نحب نربي ابني ونقوم ببتي وزوجي على احسن وجه لكني لست مقتنعة بالعمل 100 ب100 لانه المراة العاملة تتعب بزاف وماتقدرش توفق بين الجهتين وتكلف روحها فوق طاقتها باه تحقق التوازن بين الاثنين .والله الامر غير محسوم بالنسبة ليا نحب نخدم ونحب بيتي ونخاف من التعب تاع العمل والدار والزوج والاطفال ..نتنظر راي الاخوات ممكن يفيدونا براي صائب
[/align]
والله يا اختي عندي نفس تفكيرك
انا جد حائرة
انا جد حائرة
انا كنت نخدم قبل مانزوج زكى جبت أقنى الاول بركيت صك رآه عندى7سنين وانا قاعدة فى الدار بكل صراحة راني كرهت روحي رانى نحوس كون نلقي خدمة نولى بصح ساعات نقول شكون رائح يحكم لى 4 اطفال والله رانى حابة نلقي نفسي نلقى شخصيتى نحقق احلامى وطموحاتى لى كنت نقول يجئ واش يجى ما نتنازلش عليها وفي الاخير رانى ضائعة العمر راه يجري وانا رانى ما حققتش واش نتمنى نقول لكل سيدة تخدم صح الخدمة برا وفي الدار تعيي بصح الى يعيي بزاف هو كى تقعدي في الدار ويعود مستواك كى لى ماقراتش ويزيدو يقتلوك كى يقولولك كي قريتي واش درني سامحوني قلبي راه معمر
السلام عليكم ورحمة الله تعالى وبركاته
انا عندي 4 اشهر ملي بديت الخدمة ونشوف بلي الوحدة مادام تتعب وتقرا لازمها تجرب الخدمة حتى تذوق نتيجة تعب لقراية اللي دام سنين.
وصراحة انا نشوف بلي المرا تخدم كي تكون في دار باباها لانها في هذاك الوقت ماتكونش متحملة مسؤولية دار وعايلة لكن نفضل انها ماتخدمش بعد الزواج خاصة اذا كان الراجل قادر يتحمل مسؤوليتها ويوفرلها ضروريات الحياة يعني الافضل ليها انها تقعد في بيتها تقوم براجلها وبتربية اولادها هذا احسن.
هذا راي الخاص واكيد كل واحد ورايو.
مشكورة اختي على موضوعك المفيد
شكرا لجميع لاخوات على الصراحة وابداء الراي
عن نفسي انا عاملة في بداية حياتي العملية كنت اادافع عن عملي ومقتنعة حتى النخاع ولكن وبعد ان انجبت 5 اولاد تعبت من ثقل المسؤولية
من جهة الوظيفة تعزز الثقة بالنفس وتقوي الشخصية ونقولكم بكل صراحة الوحدة تلق خدمتها هي سندها ادا الزوج دار عليها او مات او مرض خاصة مع وقتنا هدا المادي الاخ ما يعرف اخوه..حتى رانا نشوفو العجايز اللي عندهم خلصة متفحشين يعني ان شاء الله تعالى احنا نلقاو في تقاعدنا حاجة نتكاو عليها
وزيدو والفنا بدراهمنا وحرين في قراراتنا ما نمدو يدينا ما نطلبو من احد
من جهة ثانة كي تشوفو التعب وصحتنا اللي رايحة تقولو مناقص منها خدمة ..وايييه كي تشوفو النسا القاعدات متفحشين في ديارهم تزيدو تدمرو
انا صراحة متارجحة بين الرايين على حساب الظروف والمزاج هههههه
ولكن ولكن الرضا بالقضاء والقدر خير حل لانفسنا
سبحان اللهم وبحمده سبحان الله العظيم
عن نفسي انا عاملة في بداية حياتي العملية كنت اادافع عن عملي ومقتنعة حتى النخاع ولكن وبعد ان انجبت 5 اولاد تعبت من ثقل المسؤولية
من جهة الوظيفة تعزز الثقة بالنفس وتقوي الشخصية ونقولكم بكل صراحة الوحدة تلق خدمتها هي سندها ادا الزوج دار عليها او مات او مرض خاصة مع وقتنا هدا المادي الاخ ما يعرف اخوه..حتى رانا نشوفو العجايز اللي عندهم خلصة متفحشين يعني ان شاء الله تعالى احنا نلقاو في تقاعدنا حاجة نتكاو عليها
وزيدو والفنا بدراهمنا وحرين في قراراتنا ما نمدو يدينا ما نطلبو من احد
من جهة ثانة كي تشوفو التعب وصحتنا اللي رايحة تقولو مناقص منها خدمة ..وايييه كي تشوفو النسا القاعدات متفحشين في ديارهم تزيدو تدمرو
انا صراحة متارجحة بين الرايين على حساب الظروف والمزاج هههههه
ولكن ولكن الرضا بالقضاء والقدر خير حل لانفسنا
سبحان اللهم وبحمده سبحان الله العظيم
salam ana ostada nkari fe primaire ta3lim mihna nabila rajal ma3andoush toul bal surtout primaire ana nalgaha aglab waqt momti3a wa ajrona 3ala lah
