وصفة صحيّة للزكام . من مطبخي 2024.

بسم الله الرحمن الرحيم
الحمد لله و الصلاة و السلام على رسول الله
السلام عليكم و رحمة الله تعالى و بركاته
كاين وصفة نعرفها فعالة لتقليل من اعراض الزكام و عندها فوائد كثيرة رايحة نقولكم كيفاش نستعملوها و من بعد نحط الوصفة
بعدما تطيب لازم هداك الوقت اللي يكون فيه زكام يشم كامل هداك البخار اللي يطلع منها و هدا راح يسهلو عملية التنفس خاصة ادا كان النيف مسدود كيما نقولو و هاد الوصفة اللي حب تظهر النتائج تاعها مليحة لازم يديروها في الليل كي يروح يرقد و ما يشربش الماء بعدها و هي بنينة
تفضلوا الوصفة:
المقادير:
ـ 6 فصوص ثوم تقدري تزيدي ادا كنتي تحبي الثوم.
ـ ملح.
ـ 2 أو حبة بيض.
ـ شوي ماء.
ـ شوي زيت.

طريقة التحضير:
بعدما نقشرو الثوم و نغسلوه نقطعوه كيما راه في الصورة و ما نخشنوهش باش يطيب بالخف

من بعد نديرو قيس 2 فنجان ماء انا نقولكم الصح ندير عيني ميزاني ماء عنديش كمية محددة لكن بالتقريب 2 فنجان ماء و نديرو عليه الثوم و الملح و شوي زيت

من بعد نخلوه كي يغلى نقصو عليه و نخلوه حتى يطيب الثوم نجيبو بيضة و لا 2 انا درت زوج و نضيفوهم على الثوم

بعدها نخلطهم شوي برك و نزيدو للفرن و نخلوه حتى يطيب البيض و تكون الوصفة جاهزة

الأحسن انك تغطي الوصفة هدي يتلم هداك البخار و لازم تشمي هداك البخار تاعو بحيث البخار يسهل عملية التنفس و من بعد كولي الوصفة كامل لأنو الثوم عندو دور كبير في معالجة مرض الزكام و البيض يقوي و الأحسن تاكليها تكون سخونة ماشي باردة و بالشفى عليك
انا خممت الوحدة فينا كي تمرض سورتو كي تكون مزوجة تقولي كيفاش كي نروح نرقد يبقى فمي يريح بالثوم نعطيك حلول تنحي ريحة الثوم من الفم
شربي شوي حليب ما تكثريش لأنو الأحسن انو تاكليها و ما تزيدي والو بعدها
و ربي يبعد عليكم المرض و يشفي اللي راهم مراض

السلام عليكم اختي
بارك الله فيك
نفس الوصفة تستعملها امي وتربينا عليها لكن عوض الماء تستعمل زيت الزيتون ومليحة على الصباح تاني طيلة فترة الخريف والشتاء
شكرااا نور
نورت القسم
ننتظر جديدك دومااا