آلـمقـــــــآديــر
**************
آلعجينة
———
•250غ فرينة
•1/2 م.ص ملح
•125غ زبدة تكون طرية شوية
•4 م.ك سكـــر
•1/2 كآس مآء
•1 كيس فآنبليآ
للكريـــمة
————
عـــــــــآدية جدآ عبآرة عن
• 3 كيسآن حليب
• 4 كيسآن سكر
• 3م.ك نشآء (مآيزينة)
• ملون آصفر إلآ حبيتي
آو ممكن تفــآحة
للتـــزييـن
————
• تفـــآح
• آو آي فآكهة تحبيهآ (حسب آلرغبة )
آلطـريـــــــــقة
************
لتحضير آلعجينة
——————-
نحطوآ في ليآن كبير شوية فرينة وآلزبدة آلطرية وآلسكر وآلفآنيليآ ورشة آلملح نخلطهم مع بعض برآحة آليد حتى تدخل آلزبدة فآلفرينة مليح ومنبعد نضيفوا ليهآ آلمآء ونطموهآ منبعد نغطوهآ ونخلوهآ تريح شوية 15د على الأكثر
لتحضير لكريــــمة
——————–
نخلطوآ تفآحة مقطعة قطع صغيرة مع 3 كيسآن حليب و 4 م.ك سكر بآلبآتوغ منبعد نحطوه فآلكسرونة نخلوه يسخن غي شوية ونضيفولوآ آلنشآء ونخلوه يطيب غي بلعقل على نآر هآدية مع آلتحريك آلمستمر لمدة 3 د حتى تشوفوآ لكريمة ديآلنآ ولآت خآثرة مليح
***
منبعد نرجعوآ للعجينة نجبدوهآ مآلثلآجة وعلى سطح مرشوش بآلفرينة نحلوهآ بآلحلآل ونطبعوهآ فوق لي مول لخآصة بـ لي تآرتولآت ونثقبوهآ بآلفرسيطة ونخلوهآ تريح شوية
ومنبعد ندخلوهآ في آلفرن إلي نكونوآ سخنآه من قبل بـ 15د ونخلوهآ آطيب مدة 15د
آنآ طيبتهآ لمدة 20 د على نآر هآدئة في هدآك آلوقت نقوموآ بتحضير آلزينة نحطوآ في كآسرونة كآس و1/2 كآس مآء على نآر هآدئة نضيفولوآ 3 م.ك سكر ونقطعوآ آلتفآح إلى شرآئح ونحطوه في هذآك آلمآء وآلسكر ونخلوه لمدة 10د ونطفوآ عليه ونخلوه يريح شوي
منبعد نرجعوآ للتآرتولآت تتآعنآ نخرجوهآ ونخلوهآ هيآ ثآن تبرد شوية برك ونحطوآ كمية من لكريمة ونزينوهآ بآلتفآح إلي حضرنآهآ من قبل ونصبوآ ليهآ شوية من آلمآء هتآعهآ
وتــآكلوهـــآ بآلصحة ولهنـــآ
بصح قوليلي المآنص كاس ياك
حتى شوفي آلفوتو وقريب تنطق حبوبة
لالا تضيفي كآس ونص مآء حسب كمية آلشرآئح إلي تزيني بيهم
آنآ درت بزآآآف
•250غ فرينة
•1/2 م.ص ملح
•125غ زبدة تكون طرية شوية
•4 م.ك سكـــر
•1/2 كآس مآء
•1 كيس فآنبليآ
نص كاس قصدك
لكن السكر في الكريمة بزاف لا
1/2 كآس مآء =====>نص كآس مآء
إيه لآتي آلسكر زدت فيه تونك آنآ نموت على آلحلوى آلمسكرة بزآف نزيد آلسكر على كيفي
يعني آعطيتكم مقآديري وأنت تحكمي فيهآ حسب رغبتك حبوبتي
