نبداو بالحريرة
مقادير الحريرة
3بصلات
3طماطم حب
5حبات زرودية صغيرة
لحم كما تحبي
حمص منفخ
فول مهرس(يمكن الاستغناء عنه)
قليل من العدس المنزوع القشر(يمكن الاستغناء عنه)
ربطة قصبر صغيرة
ملعقة سمن
ملح
طماطم مصبرة
التوابل
فلفل اسود
قرفة عود
سكنجبير مطحون
زريعة القصبر
زريعة البسباس
كروية
الماء حتى تغطي كل المكونات
و تقفلي الكوكوت
(و الحمص يوضع في شكارة او في كومراس باش لما تحبي تطحني ما تبقايش تلقطي فيه)
لما تطيب حوالي 45د
تطفي
تنحي الحمص
تنحي القصبر
و تنحي اللحم
و تطحني الباقي
ردي بالك من العظام الي تتفتت لا تكسري الميكسور
و ثم تصفي في الصفاية
2 او ثلاث مرات حتى تنحي كل الجلف و القع الي ما انطحنتش
تديري فوق النار
و تديري طبسي في طماطم مصبرة
سكنجبير+قصبر مقطع +جومبو +شوية ماء و تضيفيه للكوكوت
ديري شوية ماء قيمة 2 كيسان +كاس فرينة و خلطيهم مليح
و ضيفيهم الى الكوكوت مع التحريك المستمر +تكبي كالخيط هديك الفرينة و تحلطي الحريرة
و تحبسي استناي حتى تغلى و نقصي خلاااص
و خلي الفرينة تطيب ف الحرية لمدة 20دقيقة تقريبا
و هادي طريقة امي الله يخليها و جدتي الله يرحمها
و البقية ساكتبها لكن
دك نزيد الي بقا ان شاء الله
تاخدي الفخود تنحي العظم لكن ما تحليش الفخذ كامل خليه كالكيس
تاخذي ارز مسلق+شوية كفتة+شوية زيتون اخضر دوائر+شومبينيون+معدنوس مقطع +توابل يفضب ملح و فلفل اسود فقط+اذا تحبي سكنجبير+جوزة طيب
تخلطي كل امكونات و تعمريهم في الافخاذ
تقومي بخياطة فم الفخذ الي عمرتي منه الحشوة
تجيبي طنيجرة ديري فيها شوية ما+رند+ثوم+سكنجبير+زعفران+شويية ملح
و تخليهم يطيبو شوية ماش حاجة.يعني نشفو
ثم تصفينهم في صينية الفرن و تطليهم بالسمن لو بالزيدة مليح و تخليهم يتحمرو
و تدهنيه بالزبدو و الملح مليح تدخلي الزبدة و الملح ما بين الشحم و اللحم
و تدخليه الفرن عاى نار هااااااادئة جدا
و تخليه لوقت طويل يمكن اكثر من ساعتين
و شوفي البنة
تاخذي 2 حبات بطاطا تقطعيهم و تطيبيهم في الماء و الملح
تنحيهم تطحنيهم في رحا تع اليد او بالفرشيطة ماش بالميكسور المهم
تديري فيهم 2سنينات ثوم+معدنوس+فلفل اسود+زعفران+فلفل احمر حلو+حبة بيض
و تديري قرصات صغير تفوتيهم في الفرينة ثم تقليهم في زيت ساخن و تكوني مقوية النار اثناء القلي
الصورة الاخيرة ماش تاعي من النت