اريد مساعدة من كل واحد جربت قرتان باتلدنتجال تعاوني وتعطيني المقادير
وشكرا لكم
:give_ro se:
الوصفة:
قطعي ألبيضنجان دوائر و اقليه و نشفيه مليح من الزيت
ديري صلصة الطماطم ولي هيا ديريها تتقلى في المقلاة مع شوية زعيترة و ورق غار و توابل و معندنوس
بعدها في صينية تاع فور ديري طبقة من الصلصة ثم صفي الدوائر و غطيها بالصلصة مليح و على حساب البيضنجان كثري الصلصة و في اخر طبقة ديري الفرماج المبشور وان كان عندك فرماج بزاف ديريه بين طبقة وطبقة يجي فور
انا كنت نكره الغرتان تاعو مي نهار ديرتو كلاوه اوكل و انا معاهم ههههه
ارجو انني افدتك
لكن نا نعمل طبقة بادنجان وفوقها صلصة وبيشاميل ومن بعد دوائر بطاطا وصلصة وبيشاميل وهكدا لين تكملي فيالاخير خلطي الصلصة مع البيشاميل و صبيها ممن الفوق و دردري الجبن المبشور الى هندك
و بالهناء والشفاء
:give_ rose:انا نفسي مرات نعمله دوائر نقليهم ونجيب لحم مرحي صوص بولونيز وبيشامل ونحط طبقة البدنجال وطبقة اللحم ولاصوص وبيشاميل ومن بعد طبقة اخرة من البدنجال وفي الاخير نحط البيشاميل ولكن لاصوص بولونيز نكون حطيت فيه الجبن اكيد
والبيشاميل تاني نحط فاها وبالاخير تاني نحط ونحمرها بالفرن
الوصفة الاخرى
نقطع البدنجال بالطول وتحبي تقليه او تفوريه وتجيبي لحم مرحي تاني وصوص واجبان وتحطي شوي وتلفيه على شكر حرابش ومن بعد تحطي بيشاميل واجبان
انا درت غراتان الباذنجان في الفووور جي هايلة و بنينة
وجدي صوص تومات حسب كمية الباذنجان ..//.. قطعي الباذنجان الى دوائر و غبريهم في الشابلوووور يعني الخبز اليابس المرحي و من بعد اقليهم و نشفيهم من الزيت و في بلاطو ديري دوائر الباذنجان و من بعد لاصوص نتاعك و بعد ذلك ديري فوق كل دائرة باذنجان زيتون اسود و فرماج و كسبر كامل مقطعين الى قطع صغيرة و من بعد ديري دوائر اخرى من الباذنجان و من بعد لاصوص كريري العملية …….. و في الاخير ديري صوص و ديري كسبر و زيتون و فرماج مقطعين كاريات صغار غطي البلاطو كامل بيهم وديري فرماج رابي … قد متكثري الفرماج جي بنينية ……انشاء الله تعجبك
شهية طيبة
قشري باض نجال خذي من القشور خطوط باش مايخسرش
قطعيه دوئر وغطسيه في الفرينة +بيض + لشبلوغ وقيه
ثم حضري لصوص تمات
3حبات طماطم +ملح فلفل اسود وبصل قلي الكل وتركيها طيب مع فنجان ماء وكم بعد ضعي صنية وديري شوي لصوص +باض نجال +فرماج مرحي +لصوص+باض نجال +لصوص والغرماج في الاخير وادخليه الفرن صدقيني تاكلي اصابعك وراه
لمقادير
3 حبات بذنجان ، 4 حبات طمام صغيرة، ملعقة كبيرة طماطم مصبرة ،حبة بصل،
دجاج، علبة طون طماطم ، جبن قطع، جبن مبشور، دبشة
ملح ، فلفل أسود، توابل، زيت للقلي
التحضير
نفرم البصل نقليه في قليل من الزيت وعندما يذبل نضيف له الطماطم مرحية والطماطم المصبرة
التوابل الملح الفلفل الاسود ملعقة صغيرة سكر لازالة الحموضة ونتركهم على نار هادئة
عندما تنضج الطماطم نضيف لها الدبشة
نقلي الدجاج في الزيت ثم نفرمه ونضيف له علبة الطن
نقشر البذنجان ونقطعه شرائح نضع عليهم القليل من الملح ونقليهم
حتى ياخذو اللون المحمر ننزعهم من المقلاة ونضعهم على ورق ليمتص الزيت
في اناء الفرن نضع قليل من الصوص
ناخذ شريحة من البذنجان ونضع عليها الدجاج
ثم قليل من الجبن قطع
ونلفها
ونرصهم بجنب بعض
نضع طبقة اخرى من الصوص والجبن المبشور وندخلهم الفرن
تترك بالفرن من 20 الى 30 دقيقة
وتقدم
:give_ rose::give_ rose::give_ rose: