السلام عليكن وتحية كبيرة للجميع
اخ زوجي تزوج الاسبوع الماضي وكيما جرات العادة لازم نعرضو وزوجته وكذلك قال زوجي انه علينا ان نعرض اخونه الاخرين و هوما يحبو الاكل المتنوع اماهوش تقليدي يعني عصري وجديد وحرت انا واش ندير لذلك لجئت اليكن لتزويدي بالافكار من وصفات جديدة وعصرية راني نستنا فيكم 
تقدري ديري طاجين حلوا بالمشماش والبرقوق وطاجين مالح بلجلبانة والزينون الاخضر وسلطة الارز وبعض المقبلات مجرد رائ اخي
شكرا جزيلا رايك يهمني
السلام عليكم
مادام يحبو التقليدي تهنيتي حتى و الابداع زين مي يعيي شوي
نقترح عليك شربة فريك و قد ما تكثري فيها لحم خروف مقطع صغير تجيك بنينة
و طاجين بالدجاج المحمر و الفطر او الزيتون لان بغيتي و نعطيك عفسة شابة ارمي فيه شريحة ليمون و خليها طيب مع الدجاج يجي روعة و ينحي بنة الدجاج القوية
بوراك لحم
المطلوع ,سلطة باردة و سلطة ساخنة (فلفل و طوماطيش) و طاجين الحلو
انا هاك ندير اذا عرضنا ضياف للدار
و شوفي وش تحبي ربي يعاونك
سلام حبيبتي
أنا في راي ديري شخشوخة و ديكوريها بالجاج أو اللحم و ……..
و ديري سلاطة منوعة من كل شي يعني ماسيدوان و ذرة و….و….
و اذا تحبي نعتيك فكرة أخرى:
مدامنا في و قت الجلبانة ديري صوص بلونش تاع جلبانة و ديري فيها بولات لحم مرحي و ديري شربة فريك و بوراك و جاجة محمرة في الفرن و حطيها كامل و ديريلها ديكور باهي فطبسي و سلاطة و طاجين حلو ………ززز اذا تحبي نوريلك كيفاش ديري جاجة روتي جي هايلة و ساهلة
أنا في راي ديري شخشوخة و ديكوريها بالجاج أو اللحم و ……..
و ديري سلاطة منوعة من كل شي يعني ماسيدوان و ذرة و….و….
و اذا تحبي نعتيك فكرة أخرى:
مدامنا في و قت الجلبانة ديري صوص بلونش تاع جلبانة و ديري فيها بولات لحم مرحي و ديري شربة فريك و بوراك و جاجة محمرة في الفرن و حطيها كامل و ديريلها ديكور باهي فطبسي و سلاطة و طاجين حلو ………ززز اذا تحبي نوريلك كيفاش ديري جاجة روتي جي هايلة و ساهلة
جزاك الله خير حبيتي ولكن فهمتيني غالط اهل زوجي يحبو الاكلات العصرية ويحبو الابداعوالتفنن مثلا العريس والعروس نعرضو عند سلفتي ودارتلهم دجاج مديصوصي وفلفل محشي وانا العكس نعرف غير التقليدي ولذلك راني حايرة وسامحيني موصلتلكش الفكرة مليح
ياترى هل توصلت الى حل