هل حكيتي لزوجكي عن ماضيك ؟
هل تحكي لزوجكي بتفصيل عن ما جرى في يومك
وهل تحكي له عن مكالمتكي الهاتفية وما جرى لصديقتك
وهل تحكي له ما جرى للاولاد من مثلا في الشارع المدرسة البيت 000
وهل تحكي له عن عائلتكي وما فيها من أسرار ؟؟؟؟؟؟؟؟
تقولين هو زوجي ويجب أن يعرف الكبيرة والصغيرة أم ؟؟؟
ما هو جوابكي أختاه ؟
لي عودة ان شاء الله مشاكل في النت
موضوع جد مهم بارك الله فيك حبيبتي اسموءة
موضوع جميل ومهم في حياتنا اليومية مع ازواجنا ربي يخليهم ان شاء الله
ويخلي اسرنا كلها في هناء وصحة عافية ان شاء الله
ساجيب عن اسئلتك اختي
هل حكيتي لزوجكي عن ماضيك ؟
طبعا حكاينا ماتخلاصش على الصغر والمراهقة …….وحتى تلقينا
سبحان الله نعملوا معا نقاط المقارنة التشابه والاختلاف
هكدا تفهمي بعض التصرفات اللي يعملها هو او انا وهنا حسب التربية اولياءنا
خاصة في تربية ابناءنا في الصواب او الاخطاء اللي قاموا بها اباءنا ربي يخليهم
في العقاب مثلا ………………….
هل تحكي لزوجكي بتفصيل عن ما جرى في يومك
لا ليس بتفصيل لان هناك اشياء غير مهمة وعلاش نعمرلوا راسوا
يكفيه ماجرى له
وهل تحكي له عن مكالمت كي الهاتفية وما جرى لصديقتك
غير الاحداث المهمة واخبار لان الهاتف عندي استعمله غير لضرورة وليس للحكايات ……………..
حكايات صديقاتي غير ادا كان مشكل ما نتعاون معا لايجاد الحل لمساعدة
وهل تحكي له ما جرى للاولاد من مثلا في الشارع المدرسة البيت 000
طبعا غير الاشياء المهمة وليس جملة واحدة لانه يغيب كثير يعني تجري اشياء كثيرة
مع ايام كل مرة شوية حسب الحادث
وهل تحكي له عن عائلتكي وما فيها من أسرار ؟؟؟؟؟؟؟؟
طبعا ليس كلها تبقى اسرار العائلة
وكل واحدة منا يخبي شيء ما خاصة ادا كان يقيس
نتركه هو يكتشفه مع الايام ادا ظهر السر
تقولين هو زوجي ويجب أن يعرف الكبيرة والصغيرة أم ؟؟؟
نعم هو زوجي ولكن هناك اشياء كيما يقولوا تاع النسا
نفريها وحدي وعلاش نعمرلوا راسه
كفاية شغله وعمله هو …………………..بزاف عليه كما نقولوا انت وزير الخاريجية وانا وزير الداخلية
وممكن شيء يكون مهم عندك وهو مسكين ماعندوا حتى فكرة كيف يتصرف لدلك لازم تلجاي
لانسان لقريب لك اختك او اخوك او صديقة قريبة ليك
يعرف كل صغيرة ادا كان امر يخصنا حنا انا وهو وابناءنا وفقط
آ
أختي نوالو برك الله فيك على هذه الصراحة
أنتظر إجابتكم يلا هكذا تتعلم منا أخوتنا الغير المتزوجات
و مش بالضرورة تمدي تقرير يومي لكل شيء تعمليه او تسمعيه او تشوفيه لزوجك او لغيره
انا جامي نحكي لراجلي كلش مع انه انسان متفهم و واقعي و طيب كيما قالت ام حسنى مثلا جامي حكيتلو على المشاكل اللي في المنزل بيني و بين اخواته او بيني و بين امه لما كانت تعاملني بقسوة لانها الان تعتبرني وحدة من بناتها باتم معنى الكلمة
اما على مكالماتي فعلى حساب المكالمة بصح دائما ما يكونش هناك تفصيل يعني مثلا تعيطلي ماما نقولو عيطتلي ماما و راها مسلمة عليك فقط لا غير
او صديقاتي نظن باللي هذا الجانب بالخصوص منطقة محظورة لانه اصلا ما عندوش الحق في معرفة اي شيء عليهم ..
هكذا اصلا ما ندخلوش في الكثير من المحظورات و المشاكل تاع قالتلي و قالولي
و اهم شيء راحة بال هاتنا ما نهتمو بارواحنا و اولادنا
حتى هو ما يحكيليش بالتفصيل لا على صحابو لا على خدمتو لا على اي شيء يكون عارف باللي ما يهمنيش
و انا بطبعي مانيش كثيرة سؤال ..وين رايح؟ وين كنت؟..مع من كنت ؟ وش صرا وش طرا؟؟؟ خاطيني الحمد لله
بالاك نحكيلو وش درت من شغل او كاش ما دارو الاولاد من مواقف مضحكة او من مواقف اللي تستدعي تدخله
على اهلي حكاياتي قليلة عليهم هكذا يبقى كل واحد و مكانته
