اللهم صلً على سيًدنا محمد و على آل سيًدنا محمد
يا الغاليات,
يا نسوة الشرق الغالي و معليش يا نسوة الجزائر كل
اختي حامل دخل شهرها و راها توجد .. و حابة مووووت طمينة الشرق اللي يصنعوها بالحبوب نظن اسمها "زرير" صحولي اذا غالطة
من نهار ذاقتها ما نسات بنَتها
قولولي كيفاش تعملوها؟؟
تشكرااااااااات
علاه انتوما بــــــاش تصنعوهـــا ؟
و علاجال النافس نزيدولها حلوة الترك طبقة في الوسط بين طبقات الطمينة و التزيين شحال من نوع
لكن اللي نحوسو عليها تخدم بالقمح و الحمص اظن .. فيها شحال من نوع محمص و مرحي و يجي لونها بني غامق هاذي اللي متفكرتها
و انتي اختي تعرفيها؟؟
.
.
.
.
.
بحثت لك على تاع الشرق
وجدت لك هذه الوصفة
1 كغ قمح
1/2 كغ عدس
1/2 كغ حمّص
1/4 جلجلان
.
.
.
يحمص كل واحد وحده ثم تخلط و تطحن ثم تغربل …
.
.
.
نقوم باذابة الزبدة ثم نضيف لها العسل ثم نضيف الخليط …
.
.
.
ثم تزينيها على ذوقـــكـ …
.
.
.
.
.
.
.
.
.
.
.
.
.
.
و يزيدوا ناس الشرق يأكدولنا هذه المعلومات …
.
.
.
نسيت مبارك على اختك ربي يتمملها و تولد على خير …
.
.
.
الف شكر اختي الله يهنيك
برك استغربت الحمص و العدس كي بتحمصو ما يطيبوش.. زعمة واش يديرولهم و لا ياكلوهم هاك عادي
نعرف ذاك الحمص الصغير اللبلابي زعمة هو او حمص عادي؟؟
ان شاء الله يعاونونا الاخوات و يفهومني هاذ النقطة
شكرا اختي و يبارك فيك و يسلمك
.
.
.
.
.
نظن يتحمص و يطحن ما يبانش ني
او ربما يحمص و هو مطحون ؟؟
الله اعلم درتيلي سوسبانس … هههه
.
.
.
.
حنا تاني ما نديروهاش لكن أهل زوجي يديروها في النفاس
و داروهالي في نفاسي
أنا ما نعرفش مليح لكن:
شوفي
ركزي
اسمعيني مليح
ههههه
قالتلي عجوزتي يجي فيها
كيلو قمح بــ 2 كيلو حمص عادي ماشي لبلابي
و تديهم للمطحنة قوليلو أطحنهملي لالطمونة هو يفهم
من بعد توليلك غبرة
هديك الغبرة تقعد كيما راهي حتى يجو الضياف
دايما كل ما يجي ضيف تتخلط كمية على جالو
كيفاش تتخلط؟؟:
يحطو قميلة او كسرولة على النار هادية يديرو فيها لعسيلة يميهو لعسيلة بقطرة ماء
و شوي زبدة و يحركو من بعد و هي على النار الهادية يلوحو الطمينة بشوي حتي تولي بين و
بين ما هي ملمومة ناشفة ما هي جارية و راكي تحركي
من بعد تحطيها في صفحات صغار و تزينيها بالجلجلان المحمص أو الدراجي أو ….
المهم أهم شيء أنك تخلطيها و قت التقديم.
يجي لونه بني غامق كما قلتي
احنا نسموها : الروينة أو التاقنتا
إلى بغيتي المقادير نقولك ؟
و الى بغيتي انتاع الشرق نستناو معاك بنات الشرق
يعطيكم الصحة ام ملك انتي و عجوزتك
تاعكم بلا عدس يعني كل وحدة كيفاش تديرها و حمص ماشي لبلالبي
و ما تحمصوهاش؟؟
هاجر اخيتو سقسيت ماما قاتلي يتحمصو العدس و الحمص عادي في هاذي الحماصة تاع بكري اليوم درنا فيها القهوة
نقولها تشريهم و تخدمهم و تذوق اللي عجبتها تخدم منها الكمية .. لوكان جات قريبة نوجدها لها
الحبوب هاذي و حلوة الترك تدر الحليب
ربي يعطيكم ما تتمنوا
نديروها اكثر شي معروف و تتقسم على الخدامين و اصحاب المحلات
و هاذي متنوعة يدريوها سبيسيال للنافس تدر الحليب
شكرا اخيتو ربي يحفظك
