نبداو بسم الله
نقطع الفواكه حسب المتوفر
ممكن ديري نوع او نوعين او اكثر
انا استعملت الخوخ فقط
قطعتو قطع صغيرة ودرتلو ملعقة سكر وشوية ماء زهر وخليتو في الثلاجة شوية
نجيب الاكواب نتاعي وندير فيهم شوية من الفاكهة المقطعة
ثم نحضر الطبقة الاولى
250 مل حليب
ملعقة كبيرة ونصف سكر
ملعقة كبيرة نشاء
فاني
نذوب السكر في الحليب ونحطهم فوق النار يسخنو
نذوب النشا في شوية حليب ونضيفها للخليط فوق النار ونخلط حتى يثقال نضيف الفاني
ومنبعد نفرغ في الاكواب
نخليها تشد روحها شوية ومنبعد ندير شوية فاكهة
ونحضر الطبقة الثانية
250 مل حليب
2 م ك سكر
1 م ك كاكاو
1 م ك نشا
ونحضرها بنفس الطريقة
ونفرغ في الاكواب
كي تبرد شوية نضيف شوية فاكية
ونحضر الطبقة الثالثة
عصير 2 حبات قارص ونكمل بالماء حتى 250 مل
3 م ك سكر
1 م ك نشا
وشوية ملون اصفر او يمكن الاستغناء عنه
ونحضرها بنفس الطريقة
ونفرغها في الاكواب
ونزين حسب الرغبة
ماتضحكوش عليا راني نصور في التاقة تاع الكوزينة على جال الضو باش الصور يكونو واضحين
ونحطهم في الثلاجة يبردو
وهاذي هي النتيجة النهائية
اي استفسار انا في الخدمة
تقبل الله منا ومنكم صالح الاعمال
ما شاء الله عليك يعطيك الصحة.
بصحتكم.
بالتوفيق.
ممكن تعطيني عبر 250ممل بالكاس ؟؟؟ اقصد كاس مملوء او اكثر او اقل….
رااائع حبيبتي
موفقة
بردتينا على قلوبنا
بالتوفيييق