** من مطبخي البسيط و بالشرح المصور 2024.

السلام عليكم حبيباتي سيداتي الكريمات الرائعات

حبيت نغير شوية من وصفاتي الخاصة بالحلويات و حبيت نشاركم في هذا الركن بنوع من سندويتشات الغنية بمكوناتها و الكبيرة الحجم** هامبرغر** الذي يعد من الوجبات السريعة

بدون اطالة نخليكم مع طريقة التحضير المرفوقة بالصور

المقادير

– 500 غ فرينة( طحين)

– 5 م.ك مايزينة( نشاء)

– 100 غ زبدة ذائبة( تقريبا ½ كاس )

– قرصة ملح

– 1 م.ك خميرة الخبز

– ½ م.ك سكر عادي

– 50 غ جبن طري ( انا استعملت جبن شاف)

– ماء دافيء ( حوالي 250 ملل الى 280 ملل)

للحشو

– مايونيز

– وريقات سلاطة

– خبيزات لحم

– طماطم شرائح

– بصل شرائح

– جبن شرائح

– معدنوس مقطع رقيق

الطريقة

– في ليان ندير فرينة+ نشاء+ ملح و نخلط من بعد نضيف زبدة + جبن + خميرة + سكر و نخلط ميح حتى تتداخل جميع المكونات فيما بعضها ثم نضيف كمية الماء الدافيء و نعجن مدة 10د ثم نخليها تخمر مدة 30د الى 40 د

بعد هذه المدة نكسرها و نعاود نخليها تخمر مرة اخرى و بعدها نكسرها و نقسمها كويرات ندور الكويرة على كف اليد مدة دقيقة حتى تتشكل بولة كبيرة و هذا سر همبرغر نحطها على صينية مرشوشة بالفرينة و نخلي مسافة بين الكرية و الاخرى و نخليها ترتاح مدة 10د