هذا المقروط يجي يذوب فلفم لذيذ
التحضير:
3كيلات سميد متوسط + رشة ملح+
حطي فوقهم كيلة سمن وزبدة ذايبين
حكي مليح حتى يدخل ليدام كامل في حبيبات السميد وخليه يرتاح 1ليلة كاملة تقدري تخليه لمدة 1ساعة يرتاح غدوة من هذاك حليه بيدك
مبعد شمخيه بكيلة ماء وماءزهر لازم تكملي الكيلة كاملة حتى واذا كانت طرية متخافيهاش غطي العجينة .
لحشوة: تمر نقيه من العلف واعجنيه بالزيت انا منفوروش اعجنيه بالزيت وادلكي هذي الطريقة رائعة احسن ملي تفوريه يحماض اذا طول بصح هذي الطريقة يجي بنين ومعسل من داخل لما تعجنيه ديريلو كبابة وقرنفل و قرفة وديريلوا ماءزهر
مبعد حضري طوابع الوردة
خذي كرة من العجينة وديري في وسطها كرة من الحشوة
كوريها ثم رمديها في الفرينة غير شوية وديريها في طابع الوردة
مبعد حضري كسرونة صغيرة باش تعوميها بالزيت لانو المقروط يحب تعوميه بالزيت وتديريه يتقلى مرة وحدة متقلبيهش باش ميتحلش والنار تكون متوسطة ماشي قليلة والا راح يتحلك اقليه حمريه مليح
مبعد مباشرة عسليه في عسل مخفف بالماء زهر
وقدميه بالصحة والعافية لذيذ
و جيت لقيتك حطيتيه
ماشاء الله خرجلك هاااايل
بصحتكم
هذه المرة اتاااااااااااااااااي يا فطيمتنا هههههه والله تحفة ونموت على المقروط
يشهي انا نموت على المقروط
مي الي يطيب في الكوشه
انتاع المقلي منفضلوش
ربي يبارك
المقروط احسن قاطو عندنا
بصحتكم
هاااايل
يعطسيك الصحة فطيمة
