مشاركتي 10 في مسابقة رمضان 2024.

صح فطوركم حبيباتي والله لما نحب نحط وصفة نحس انكم كامل راح تاكلو منها لذا احرص ان تكون في مستواكن
اليوم راح نحط وصفة البيتزا وهي راااااائعة وراني اكيدة لزكان تجربوها مستحيل تبدلوها واحسو رواحتيكم شيفات ايطاليات

قبل هذا هاذي جابهالي تاج راسي يطلعلي فالمورال قالي راني حاسك تتعبي على جالي وهو ماعلابالوش بلي على جالكم هههههههههههه

الوصفة كالتالي
كاس ماء دافي, 3ملاعق حليب سائل, مغرفة كبيرة خميرة الخبز ,حبة بيض , ملعقة كبيرة سكر, 3 ملاعق كبار زيت , ملح نخلط الكل ثم نضيف الفرينة حتى نتحصل على عجينة دبقة تلتصق باليدين نخلوها تخمر 4 ساعات نعم ساعات مدة طويلة لكن هذه هي الحيلة

راح تولي هاكذا

نعاودو نعجنوها ونشكلوها كرات صغار بزاف ونحلوها بكمية معتبرة من الفرينة وتكون رقيقة جدا
ونطيبوها في مقلة على بالي راح تستغربو لكن صدقوني روووووووعة نطيبوها على الجيهتين

ولما نكملو الكمية نحطوها فصينية الفرن نطلوها بالصلصة وحطولها واش حبيتو انا حطيت مرقاز زيتزن اسود واخضر وجبن فقط وياحبذا جبنة المودزاريلا

وشعلو الفرن غير مالفوق باش يذوب الجبن وتقدم احلى بييييييييييييييتزا

يعطيك الصحة كما قال المسيو تعب تاع الصح بارك الله فيك مممممممممم شهيتينا

يعطيك الصحه و مشكورة الاخت

صحيتي على البيتزا الهايلة مشكورة يا ميرال

شكرا حبيباتي على الردود العطرة

سلام عليكم ورحمة الله وبركاته
طريقة مليحة وجديدة خاصة مدة التخمير اربع ساعات
بارك الله فيك وبالتوفيق لك

هههههههه عجبتني تاج راسي و الله زوجي نفس الشئ يقول للاولاد خلو امكم تصور و الاولاد ليش كل يوم صور روعة البيتزا

امممممم جاتك هايلة يعطيك الصحة اختي

يعطيك الصحة تبان بنينة