مشاركتي رقم 1 في ام آية 2024.

السلام عليكم حبيباتني
بما انني شاركت في المسابقة وسجلت
حبيت نوريلكم بعض اطباقي لاني كنت نصور
ومن بعد نعيا باش نحط التصاور
مع التربية و الاطفال راكم عارفين
و اذا ما عذرتونيش نتوما
شكون يعذرني
المهم الطبق الاول عبارة عن
جلبانة باللحم المفروم في الفرن
و لي اهديه لحبيبتي الاميرة بلقيس
راهي حابة انواع نتاع الغراتان و هذي اول واحدة
انشاء الله تنال اعجابك و اعجاب حبيباتي الاخريات
تحكمي الجلبانة و تطيبيها في مرق ابيض
مع مورسة دجاج او مورسوات
نتي و مقدورك
ديري حبة بصل و الزيت و التوابل
من بعد صفيها
من جهة اخرى طيبي اللحم كيما نتاع البوراك و غلي 555 او 4 بيض على حساب المول
احكمي هذيك الجلبانة و ديري في مقلاة زبدة و 3فصوص ثوم
و ديري الجلبانة فيها خليها تشرب الزبدة و الثوم و مغرف سكر و من بعد نحيها
المرق لي طيبتي فيه الجلبانة نحي منو قيس غراف
احكمي مول نتاع الكيك و ادهنيه
خلطي الجلبانة مع اللحم مع الفرماج
ضربي 4حبات بيض مع غراف المرق و باكي خميرة القاطو و شوية فرينة 2مغارف
و اتركك مع الصور للشرح اكثر