[align=center]
باسم الله الرحمن الرحيم
السلام عليكم
عندي طلب بسيط منكم يا بنات و خاصة المتزوجات لأنو عندهم خبرة أكبر
ان شالله راح نبدا نوجد في جهازي
ماذا بيا تقولولي واش نحتاج و الحوايج لي لازم نكثر منها و لي مالازمش … الخ
في انتظاركم
[/align]
كاين مواضيع مثل كل ما تحتاجه العروس تلقايه بنفس القسم و مواضيع أخرى رايحة تشاعدك و نتمنى الأخوات يضيفو كاشما عندهم و أنا غدا إن شاء الله نديرلك قائمة
أولا الف الف مبروك عليك يا اختي و ربي يسرلك امورك ان شاء الله
بخصوص الجهاز أول حاجة القائمة لي رح تقسميها ل عدة اقسام منها الأفرشة و ملابس للبيت و الخروج و أحذية و كوسميتيك من مستحضرات و عطور مستلزمات المطبخ و الديكور للمنزل و ملابس التصديرة و ما الى ذلك بالعقل رح تكملي كل شيء ان شاء الله
أول حاجة تبداي بيها طبعا هي الذهب و خاصة كل ما راه رح يزيد اغتانمي الفرصة و أشري واش راه خاصك أختي.
** الحدايد او المجوهرات ""مازالم ماكملتهمش""
** الفراش :اللحوف والمخايد والقطنيات والدراوات والكوفرلي والكوات والتابي والصوندلي.
**المقامة تاع الحمام كاملة و الصورتي د بان.
**الماكياج بكل تفاصيله و السيشوار.
**التصديرة: الردا + ال****و +2 بلايز +2 قفطان +المنصورية +2 خليجية + قبايلية .
**البدعيات تاع الصيف والشتا وتاع الحمام.
**الصنادل والصبابيط على حساب القش تاع التصديرة مع لي بوشات تاوعهم وثاني لي كلاكيت والبلاغي.
**جلابة و 2 حجابات وحايك المنسوج.
**لي ماسك والعطور والصابون والشمبوان .
**الشدة مع توابعها.
**للديكور :2 vazes وشموع معطرة.
** الملابس الداحلية كاملة.
bon na3tik hsab w ch cheft khoti dét
1- les sous vétement
2cosmetic kamel
3-zoudj choratte ta3 salon
4-hwayj ta3 lkhredja ida konti tlebsi hijabette idihom w zid mlayeete ta3 la3rasse beh ki ya3rdok o tlbesi normal idi des costume cllasique
4-hwayj ta3 dar ki tbday techri kol bejama dirilha bontouf wla bligha ta3ha bech ki tbdai tlbessi fihom tlbsi haja fort lol
5-les abeillés matensayhomche
6-hwayj ta3 tesdira khytihom 3nd khiyata mliha yeskamolek khir me tchrihom wajdine
7-haja important ki tbday tkhbi chaque valise diri fiha des sachét rahom ytba3o beh ybkaw hewajk yriho chabinnn
rabi yhanik o ykmlekkkkkkk
–
أممممممممممممم….
الله يسلمكم لبنات ربي يهني كامل لبنات ان شالله
صحيتو .. [glow=cc0099]ربي يحفظكم [/glow]..
اختي مون لايت تحياتي ليك
[/align]
كتبت une liste
2جبات تع دبي 2 تع صيف 2 تع شتاء مع لي صابو تعهم
انسومبل بسباط و ساك
كوستيم بسبطه وساك
انصومبل تع صيف بسوندال
une rob avec chasseur demie talon
ملاية مع البوشات تاعها وحجاب
سورتدبان.سرابت.
2 valiseشابين وغالين باش يبقاولك
malletteلدهب
شمع.لدراوات لكوات مخايد .مطارح تع صوف ادا حبيتي لكوفغولي تع نهار تصبحي انا خيرته ابيض
مكياج.روايح .ليماسك.ديودغو.صابون.شوبوا
روبات تع صيف .3فيزو 3 نوع قصير
ماتنسايش" 2 jépou"واحد كحل وواحد بيض يتلبسو تحت روبات
بيجامات .البسة الداخلية كلها اشكال وانوااااع
بلايغ.لبونتوف.سبابط تع خرجة
شورة. ريدو.ليصندولي.
ماتنسايش كادو تع راجلك بيجاما ولا سورتدبا ادا عندك في زوج[/align]
