اخواتي ان شاء الله السمانة الجاية عرسي و راني متوترة من ليلة الدخلة مش من الليلة بحد داتها بصح راني حايرة من جهة حابة نجرب العام الاول ما نحملش فيه و نشرب حبوب منع الحمل حتى نشوف الحالة كيفاه مع راجلي و ما نربطش روحي بالاوﻻد من لول و من جهة في عمري 34 سنة و راني حاسة روحي متاخرة في موضوع الحمل هادي ادا كتب ربي و حملت
ربي يعطيكم ما تتمناو انصحوني كيفاش ندير في هاد الليلة و واش هو المناسب عﻻخطرش كل وحدة واش تقولي من اللي نعرفهم بصح ما نتيقش فيهم
اخواتي عندي استفسار اخر و شوية محرج اسمحولي مكاش اللي يوريلي و زيد حشمة نسقسي وحدة على المباشر
حبيت نعرف ادا في هاديك الليلة و يتم كل شي على خير (اتمنى) سمعت ﻻزم تخلي ماء الرجل كيما قالولي و ما تغسليش تم تم مافهمت والو و ادا ﻻزم ندوش مباشرة و ﻻزم نبدل اللبسة و تاني مع الصباح كيفاش ندير نبدل لبسة وحدوخرا مع العلم انو نكونو وحدنا و واش ﻻزم نحضر كفطور صباح و مشكل اخر شحال ﻻزم المدة بين اول لقاء و تاني لقاء راكم عارفين و الله راني نكتب و حشمانةربي يحفظكم عاونوني
اختي لكن لما تريدين التاخير سبحان الله وما دمت لاتثقين به لما قبلت به واسمحيلي لا يوجد شئ مقنع تاخري الانجاب من اجله
المال والبنون زينة الحياة
ربما يحصل شيء وتصبحين في ندامة
وموضوع الذرية علاش تشربي لابيلول راها واعرة وحصيتي تولدي ولا لا
ماعندكش ثقة فيه علاش تتزوجيه
متأخريش صلاتك يوم عرسك والدعاء وتحصين النفس متنسايهمش مع الركعتين لي مع راجلك
كاين في النت شوفي كيفاه على ليلة الدخلة في الشرع
اما لولاد علاه عليك تقولي هك !
كاين ناس حوسو على لولاد ومرزقهمش ربي وانتي تقولي حتان نشوف لالا متقوليش هكا كون تتنحالك النعمة هادي تما تعرفي قيمتها
ان شاء الله ربي يسهلك امورك ويرزقك الخير بالتوفيق
كاين اللي ما فهموش استفساري أنا ما قلتش راني خايفة من الدخلة و مش عارفة واش ندير و ما قلتش راجلي مانيش دايرة فيه ثقة مشكلتي هي نشرب حبوب منع الحمل أو لا و هادا الخوف مصدرو الناس اللي حولي وحدة تقولي ما ترفديش تم تم حتى تشوفي مليح عقليتو بالاك يتبدل و أخرى تقول لازم تحملي راكي روتار و كأن الحمل و الولادة بيدي علاهادي بحرتلي و قلت نسقسيكم علابالي تنصحوني أحسن نصيحة و ربي يحفظكم
أنا نتوكل على ربي و كيما جات هاديك هي و إن شاء الله كلش يفوت على خير
و انا نقولك ان الدخلة حاجة عادية
حتى انا كنت خايفة ولكن انصحك وكيما قالت الاخت
اتوضاي و صلي و اتكلو على الله
و من جهة الذلراري ننصحك ارفدي
راكي كبيرة في العمر هذاك هو 34 سنة تجيبي ان شاء الله في 35
و مع الكبر و التربية الانسان مايقدرش
انشاء الله ترفدي و تجيبي الذراري و تفرحي
موفقة حبيبتي و ادعي الله يسرلك امورك
