المقادير
·العجيجات: لحم مرحي + راس صغير شفلور+ بيضة + معدنوس+ ملح + فلفل أسود + 2 سنات ثوم رابي+ بصلة صغيرة مقطعة بزاف رقيقة.
·المرق: قطعة دجاج (للبنة فقط) + حميصة+ حبتين طماطم+ ملعقة طماطم مصبرة+ بصل مفروم + ثوم+ زيت + رند+ ملح+ فلفل+ عكري+ راس الحانوت
·التزين: حبات بطاطا صغيرة مغلية و مقلية + معدنوس
الطريقة
1.رابي الشفلور بلا ما تغليه (اي بدون سلقه في الماء) في لاراب (سكرفاج)
ضيفيلو اللحم المرحي، بيضة + معدنوس مقطع رقيق + ملح وفلفل + ثوم و بصل رابي وخلطي كلشي
2.اصنعي منها كريات بحجم حبات البطاطا اللي قلتيها و قليها في زيت سخونة
3.نضع الزيت مع قطعة سمن يسخن فوق النار و مبعد نحطلو قطع الدجاج + البصل + ثوم +ملح و الفلفل و العكري
4.نقلييهم مليح و مبعد نزيدلهم الطوماطيش المرابية و الكونسونتري و نخليهم يزيدو يتقلاو مليح
5.نمرق بالماء و نرمي الحميصة ونغطيها ونخليها حتى تطيب مليح
6.نرمي عجيجات الشفلور فالمرقة و نخليها تكمل طيابها مليح
7.قبل ما تطفي النار ارمي حبات البطاطا الي غلتيها و قلتيها خليها 5د تشرب المرقة و طفي النار
8.زينيها بالمعدنوس و قدميها
زيارتكم تسرني
نصائحكم تحفزني
انتقاداتكم تهمني
عضويتكم تعنيني
تحيتكم تفرحني
ردودكم تشجعني
دعوتكم تنفعني
فلا تنسوني بالدعاااااااء اخواتي وبارك الله في الجميع
انتظر منك الكثير فلا تحرمينا من اي شيء من عندك
لك تقييمي اختي
طبق مميز ، أنت أستاذة في الطبخ أم منذر
فكرة الشوفلور مرحي جديدة
أن يا نقليه يا غراتا
الله يزيدك تألقا وابداعا
حبيت برك نسال الشوفلور راه مغلي و لا خضر لانو حنا من العادة نغلوه في الماء و من بعد نقلوه هاد الطريقة اكثر من رائعة يعطيك الصحة
لالا الشفلور نيئ (بلا تغلية) و ساهل بلخف يترابى
شكرا