مادلين من مطبخي 2024. - سيدات الجزائر

المقادير و طريقة التحضير:
02 علب ياغورت حسب الرغبة
02 بيض كبار
لفاني
02 خميرة القاطو
الفرينة
السكر
الزيت
نضرب البيض مع لفاني جيدا ثم نضيف الياغورت و نخلط بعدها نعمر علبة الياغورت الفارغة سكر و الاخرى زيت و نضيفهم للخليط و نخلط بعدها نضيف الفرينة و الخميرة حتى نتحصل على عجينة ماشي جارية و ماشي ناشفة كيما تاع المسكوتشو نحطها في ليمول الخاصين بالمادلين مدهونين بالزبدة مسبقا هاهي صورة المول

نحطها في فرن مسخن مسبقا و هاهي بعدما طابت

وهذا مول تاع 06 حبات

تخليها ترتاح 05 دقائق و تنحيها من المول

أنا نزينها بالمربى في الوسط مع الجلجلان محمص أو كاوكاو محمص ومرحي أو نواد كوكو و لكن بشرط ماتزينيهاش حتى الوقت اللي تحب تقديميها لأن اذا زينتيها من قبل راح تشرب كامل المربى

وصفة سهلة شكرااااالك

يعطيك الصحة خرج ليك هايل
نفس طريقتي انا 1 ياغورت و3 حبات بيض
انا الاولى دخلت ندي الطبسيل نشرب بيه القهوة العشية
الجيريا

خرج روعة بصح خصني مول عندي ليكيسات ان شاء الله نطبق بصحتكم

بصحتكم هايلة

جاوك هايلين يعطيك الصحة

خرجلك هايل بصحتكم

ممممم تحفة
شكرا على الشرح حبيبة

هايييلين
يعطيك الصحة اختي وهيبة

مشكورة اختي وهيبة مع فطور الصباح هدا واش يليق
بصحتكم

اترك تعليقاً إلغاء الرد