السلامد عليمن انشاءالله تكونو في صحة جيدة ممكن تساعدوني في عمل حلوى بوسو ولا تمسو وشكرا وصحة بعد لفطور انا فيي انتضار ردكم وجزاكم الله خيرا 
نعطيك أختي طريقتي الناجحة من واحد لكتاب و جربتها شحال من مرة وهي ناجحة و الحمد لله و اقتصادية وبنينة
الا ان الكمية يمكن تجيك قليلة حاولي تضاعفي المقادير لي نعطيك
المقادير
300 غ فرينة
ملعقة أكل سكر
قشور ليمونة
بيضة
نصف ملعقة صغيرة خمارة حلوة
كاس شاي من الزيت
200غ كاوكاو مطحون
125غ مارغارين ذايبة
ماء زهر
وسكر قلاص
طريقة التحضير
نضع في اناء الفرينة ونضع وسطها السكر و قشور الليمون و الخميرة و البيضة والكاوكاو والزيت والمارغارين المذابة ونخلط جيدا باليد ونرش الخليط بماء الزهر حتى نحصل على عجينة متماسكة
نشكل حرابيش ونقطعها على شكل مقروضات
نضع القطع على صينية غير مدهونة ندخلها الفرن لمدة 15 الى 20 دقيقة وعينك ميزانك على حساب ماتطيب وتتحمر قليلا
عند اخراجها من الفرن نتركها تبرد ثم نغطسها في ماء زهر ثم نكسوها بالسكر قلاص ونضعها في ليكيسات
وشهية طيبة
ملاحظة الكاوكاو اطحنيه مليح ماتخليهش خشين
ثانيا كي تكملي كل الحلويات بالسكر قلاص تعاودي تمرريهم مرة اخرى فالسكر قلاص باش تجي طبقة السكر باهية وبيضاء لا شفافة لانو بطبقة وحدة راح يجي شكلو ماش شباب ويشمخو المازهر ويفقد لونو الأبيض
موفقة فيه بإذن الله وشهية طيبة
رايعه دودي بوركت ام امين
اخني ميرسي لكن ما فيهاش الخميرة و السكر ما راكيش كاتبتهم