لبنات راني حابة نتعلم لقريوش ضروري عندي ضياف وحبيت نديرلهم لقريوش مي مانعرفلوش
وخاصة طريقة تشكيلو راني نستنا فيكم يا حراير الدزاير على بال بلي تعاونوني
كل مستطيل ديري فيه 3 خطوط مستقيمة فالوسط برك بلاما
توصلي للحافة و شبكيه نورمال
انا مشكلتي في طريقة تشكيلو لدرك ما فهمتش
المقادير:
الكيلة المستعملة هي كاس نتاع 250مل
3كيلات فرينة
نصف كيلة نشاء
نصف كيلة سمن ذايب وبارد
صفار بيضة
رشة ملح،فاني ،م ص خميرة الحلوى
ماء+ماء الزهر
عسل وجلجلانية للتزيين
الطريقة:
نحط الفرينة مع النشاء ورشة ملح والفاني والخميرة والسمن الذايب والبارد ونفرك جيدا باليد ثم نضيف صفار البيضة ونفرك ومن الاحسن نسير الخليط في السيار هكذا نتاكدو ان ماكانش تكتلات وبعدها نلمها بالماء وماء الزهر حتى نتحصل على عجينة متماسكة نشكلها كويرات ونغطيها ونخليها ترتاح
https://
إضغط هنا لرؤية الصورة بحجمها الطبيعي.
ناخذ كويرة نبسطها بالحلال ونرققها في الماشينة حتى الرقم ما قبل الاخير ومرة على مرة نرش شوية فقط من النشاء
https://
نطبقها كيما نعملو في العجينة المورقةالصور توضح اكثر
https://
إضغط هنا لرؤية الصورة بحجمها الطبيعي.
https://إضغط هنا لرؤية الصورة بحجمها الطبيعي.
ونعاود نفوتها في الماشينة ونكرر نفس العملية وهذا لي يخلي القريوش مورق ويذوب في الفم
بعد ما نرققها نقطع بالجرارة مستطيلات كبار انا عملت العرض12سم ونقطع 24 خط بالجرارة ما تخلعوش ههههههه
https://إضغط هنا لرؤية الصورة بحجمها الطبيعي.
بعدها نحسب4 خطوط ونطبق
https://إضغط هنا لرؤية الصورة بحجمها الطبيعي.
ونكمل نحسب 4 خطوط ونطبق حتى نكمل ونتحصل على هذا الشكل
https://إضغط هنا لرؤية الصورة بحجمها الطبيعي.
نفتحها شوية في المنتصف
https://إضغط هنا لرؤية الصورة بحجمها الطبيعي.
ونقلب من الجهة العلوية فقط كما في الصورة
https://إضغط هنا لرؤية الصورة بحجمها الطبيعي.
https://إضغط هنا لرؤية الصورة بحجمها الطبيعي.
راح نتحصل على هذا الشكل هذي الطريقة الاولى
اما الطريقة الثانية
نطبق المستطيل على اثنان
https://إضغط هنا لرؤية الصورة بحجمها الطبيعي.
ثم نعاود نطبقو على اثنان ونعاود مرة ثالثة حتى نتحصل على الشكل السابق ونشكلو بنفس الخطوات
وكل ما نشكل حبة نغطيها حتى نكمل العجينة
بعدها نقليهم في زيت يكون سخون مليح والنار ناقصة ونقلي بالحبة وكل مانحط حبة نرمي عليها الزيت بالملعقة باه تتنفخ شوفو شكلها ما احلاه
https://إضغط هنا لرؤية الصورة بحجمها الطبيعي.
بعدها نحطهم يقطرو ويبردو ثم نعسلهم في عسل مسخن مع شوية ماء الزهر لازم يكون ثقيل شوية باه القريوش يبقى مقرمش ونزين بالجلجلانية محمصة
https://إضغط هنا لرؤية الصورة بحجمها الطبيعي.
شوفو شكلو رااائع والذوق اممممممممم
https://إضغط هنا لرؤية الصورة بحجمها الطبيعي.
نتمنى يعجبكم ونشوف تطبيقاتكم
انا العجينة ندير 4 كيلات فرينة مع كيلة سمن وبيضة ومغرفة صغيرة خميرة القاطو وتمليها بالماء الزهر والماء
اما طريقة التشكيل كنت رايحة نجيب لك تاع ام اماني ربي يحفظها لقيت هنانور قامت بالمهمة بارك الله
ان شاء الله تنجحي فيه وتحمري وجهك قدام ضيافك
جيت نعاونك سبقتني حنان نفس الطريقة اللي اعتمدها يجي رائع و مقرمش و خفيف اذا حبيتيه شوي حاكم روحو ما تطويها كالعجينة المورقة حليها اخشن شوي و قطعي مباشرة
صوريلنا تجريبك